نارتھ کراچی سیکٹر فائیو بی ون میں گھر سے ایک شخص کی گلے میں پھندا لگی لاش ملی جسے ایدھی کے رضا کاروں نے عباسی شہید اسپتال منتقل کیا۔
باغی ٹی وی کو ایس ایچ او خواجہ اجمیر نگری ثاقب خان نے بتایا کہ متوفی کی شناخت 30 سالہ کامران کے نام سے کی گئی جبکہ ابتدائی تحقیقات میں اہلخانہ نے واقعہ گلے میں پھندا لگا کر خودکشی کا بتایا ہے۔ایس ایچ او خواجہ اجمیرنگری کے مطابق متوفی 2 بچوں کا باپ اور مستقل روزگار نہ ملنے کی وجہ سے مالی تنگدستی کا شکار تھا جبکہ اس کا اہلیہ سے بھی جھگڑا رہتا تھا۔پولیس نے ضابطے کی کارروائی کے بعد لاش ورثا کے حوالے کر دی جبکہ پولیس اس حوالے سے مزید معلومات حاصل کر رہی ہے۔واضح رہے گزشتہ دو سال سے بجلی اور پیٹرول سمیت اشیا مہنگی ہونے اور بے روزگاری سے سے دیہاڑی دار طبقہ پس کر رہ گیا ہے جس کے باعث لوگ ایک دوسرے کی جان تک لینے پر آ گئے ہیں.
واہ انڈسٹریز کا ترک کمپنی سے اسلحے کی پیداواری صلاحیت کے لیے معاہدہ
اٹک: بلال فارمیسی کی فوارہ چوک پر نئی برانچ کا افتتاح
