لاہور: چیف جسٹس لاہور ہائیکورٹ نے 2 سول ججز کو مس کنڈکٹ کی بنیاد پر نوکری سے برطرف اور دو ریٹائرڈ ایڈیشنل سیشن ججز کی پنشن واپس لینے کا حکم دیدیا،رجسٹرار لاہور ہائیکورٹ نے نوٹیفکیشن جاری کر دیا-
باغی ٹی وی : چیف جسٹس لاہور ہائیکورٹ ملک شہزاد احمد خان نے مس کنڈکٹ کے مرتکب ججز کے خلاف سخت ایکشن لیتے ہوئے 2 سول ججز کو نوکری سے برطرف کر دیا گیا، جس کا نوٹیفکیشن جاری کردیا گیاچیف جسٹس لاہور ہائیکورٹ نے سول جج لاہور امتیاز احمد اور سول جج ملتان صائمہ وحید کو نوکری سے برطرف کردیا جبکہ ریٹائرڈ ایڈیشنل سیشن جج میانوالی جمیل احمد کھوکھر کی پنشن اور مراعات ختم کرنے کا حکم جاری کیا، ریٹائرڈ ایڈیشنل سیشن جج جمیل احمد پر مس کنڈکٹ ثابت ہونے پر پنشن واپس لینے کا حکم سنایا گیا۔
رجسٹرار لاہور ہائیکورٹ عبد الرشید عابد نے نوٹیفکیشن جاری کر دیا، نوٹیفکیشن میں کہا گیا کہ اگر مذکورہ جج کو پہلے سے پینشن دی گئی ہے تو وہ بھی واپس لی جائے،سول جج نوشہرہ محمد اسلم کی تنخواہ 3 سال کے لیے اسکیل 19 کے مطابق کر دی گئی، سول جج کی تنخواہ میں کمی مس کنڈکٹ کا مرتکب قرار دیے جانے پر کی گئی۔