دو خاندانوں نے ملکی معیشت کو تباہ کیا ہے،سراج الحق

پشاور: امیر جماعت اسلامی سراج الحق نے کہا ہے کہ پاکستان میں 19 کروڑ عوام موبائل کا استعمال کررہے ہیں، ملکی سیاست پر دو خاندانوں کی اجارہ داری ہے، دو خاندانوں نے ملکی معیشت کو تباہ کیا ہے ، سوشل میڈیا نے ان دو خاندانوں کو بے نقاب کردیا ہے۔

باغی ٹی وی : پشاور جماعت اسلامی کے سوشل میڈیا ورکرز کنونشن سے خطاب میں سراج الحق نے کہا کہ پاکستان میں 19 کروڑ عوام موبائل کا استعمال کررہے ہیں، ذاتی اور خاندانی تشہیر کے بجائے سوشل میڈیا روشن پاکستان کے لئے استعمال کریں گے،ملکی سیاست پر دو خاندانوں کی اجارہ داری ہے، دو خاندانوں نے ملکی معیشت کو تباہ کیا ہے ، سوشل میڈیا نے ان دو خاندانوں کو بے نقاب کردیا ہے،اگلی حکومت ملک میں لاڈلے اور سپر لاڈلے کی نہیں، عوام کی ہو گی۔

امیرجماعت اسلامی نے کہا کہ ان خاندانوں کی سیاست عوام کے لئے زہر ہے، قومی اسمبلی میں غریب عوام کے لئے قانون سازی کبھی نہیں ہوئی ہے بلاول بھٹو کہہ رہا ہے کہ مجھے وزیراعظم بناو میں ترقی دوں گا، اللہ سندھ جیسی ترقی سے ہمیں بچائے، بلاول اب تک سندھ کو ٹھیک نہیں کرسکے۔

شاہ رخ، اکشے اور اجے دیوگن کے خلاف مقدمہ د رج

ان کا کہنا تھا نواز شریف کہہ رہے ہیں کہ عوام کی خاطر چار سال لندن میں گزارے ہیں حالانکہ عوام آپ کی وجہ سے لندن جانے پر مجبور ہیں، اب اشتہارات سے عوام کو متاثر نہیں کیا جاسکتا،پیپلز پارٹی ، مسلم لیگ نواز اور پاکستان تحریک انصاف نے غزہ کے مسلمانوں کی بات نہیں کی جبکہ ان تین جماعتوں نے کشمیر بھارت کے حوالے کیا ، اب وقت آگیا ہے کہ ووٹ کا صیحح استعمال کیا جائے، 8 فرور ی یوم الحساب ہوگا۔

سابق وفاقی وزیر نےسینیٹ کی رکنیت سے استعفیٰ دیدیا