کندھ کوٹ : ڈاکوؤں کے ہاتھوں اغواء ہونے والے 2 مغوی بھائیوں کی بازیابی کیلئے پریس کلب کےسامنے احتجاج

کندہ کوٹ ،باغی ٹی وی (سٹی رپورٹ اسلام الدین بنگوار) ڈاکوؤں کے ہاتھوں اغوا ہونے والے مغوی حسیب نوناری اور عبد الرؤف نوناری کے اغوا والے واقعہ کے خلاف اور ان کے بازیابی کیلئے نوناری اتحاد کی جانب سے پریس کلب کے سامنے احتجاجی مظاہرہ کرکے پولس کے خلاف شدید نعرے بازی کی
تفصیلات کے مطابق بی سیکشن تھانہ کی حدود انڈس ہائی وے سے دو سگے بھائیوں حسیب نوناری اور عبد الرؤف نوناری کو اغوا واقعہ کے خلاف اور ان کی بازیابی کیلئے نوناری اتحاد کی جانب سے کندھ کوٹ پریس کلب کے سامنے ڈاکٹر عبدالکریم نوناری کی قیادت میں احتجاجی مظاہرہ کیا گیا ، مظاہرین نے ہاتھوں میں پلے کارڈ اٹھا کر پولیس انتظامیہ کے خلاف شدید نعرے بازی کرتے ہوئے کہا کے پولیس کی رٹ کمزور ہو گئی ڈاکو انڈس ہائی وے پر سرے عام آ کر ہمارے دو افراد کو اغوا کر کے کچے کی طرف فرار ہوگئے ہیں،جو پولیس کی نااہلی کا منہ بولتا ثبوت ہے ،انڈس ہائی وے مسافروں کیلئے غیر محفوظ ہوچکا ہے ،مظاہرین نے، آ ئی جی پولیس سندھ ڈی آئی جی پولیس لاڑکانہ سے مطالبہ کرتے ہیں کے واقعہ کا نوٹس لیکر ہمارے نوجوانوں کو فوری طور بازیاب کرایا جائے ، دوسرے جانب احتجاج کا دائرہ وسیع کیا جائے گا