ڈرون کیمرے کی مدد سے منشیات اسمگل کرنے کی کوشش ،دو ملزمان گرفتار

قصور میں تھانہ گنڈا سنگھ پولیس نے ڈرون کیمرے کی مدد سے منشیات اسمگل کرنے کی کوشش کو ناکام بنا دی دو منشیات فروش بھی گرفتار کئے گئے-

باغی ٹی وی : پولیس ترجمان کے مطابق ملزمان بھیڈیاں کلاں جرنیلی روڈ سے بذریعہ ڈرون کیمرہ منشیات بارڈر اسمگلنگ کرتے تھے جس پر تھانہ گنڈاسنگھ والا پولیس نے ہیومن انٹیلی جنس کی بنیاد پر کارروائی کرتے ہوئے ملزمان کو ٹریس کر کے گرفتار کر لیا،ملزمان کی شناخت آفتاب اور الطاف کے نام سے ہوئی جو سہجرہ گاؤں کے رہائشی ہیں جن کے قبضے سے آدھا کلوگرام سے زائد ہیروئن ، ڈرون کیمرے کا ریموٹ اور ڈرون کیمرے کی بیٹریاں برآمد کی گئیں۔

قبل ازیں اے این ایف نے مختلف کارروائیوں میں ڈھائی کروڑ روپے سے زائد مالیت کی 168 کلوگرام منشیات برآمد کرکے خاتون سمیت 8 ملزمان کو گرفتار کیا تھا، ترجمان کے مطابق ایچ الیون اسلام آباد میں یونیورسٹی کے قریب 2 ملزم سے مجموعی طور پر 700 گرام چرس برآمد کی گئی۔

ننکانہ: غیر رجسٹرڈ پرائیویٹ سکولوں کے خلاف کریک ڈاؤن کا آغاز

سیالکوٹ میں یونیورسٹی کے قریب موٹر سائیکل سوار ملزم سے 200 گرام چرس، 200 گرام آئس اور 150 گرام ایکسٹیسی گولیاں برآمد کی گئیں جبکہ سیالکوٹ میں ہی تعلیمی ادارے کے قریب رکشہ سے 8.4 کلو گرام چرس برآمد کرکے خاتون سمیت 2 ملزمان کو گرفتار کیا گیا۔

ملزمان کی نشاندہی پر شیخوپورہ میں واقع گھر سے مزید 10.8 کلو گرام افیون اور 54 کلوگرام چرس برآمد کی گئی گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا۔

کراچی پولیس کا گٹکا ماوا کےخلاف کریک ڈاؤن، تین ملزم گرفتار

پشاور ایئرپورٹ پر دو مختلف کارروائیوں میں بحرین اور دوحہ جانے والے مسافروں سے 2.1 کلوگرام آئس برآمد کر لی گئی۔ کراچی ایئرپورٹ پر جدہ جانے والے مسافر کے بیگ سے 994 گرام آئس جبکہ کراچی میں واقع کوریئر آفس میں پشاور سے بھیجے گئے پارسل سے 4.7 کلوگرام چرس برآمد ہوئی۔ پسنی میں کوسٹل لائن کے قریب 60 کلوگرام چرس برآمد کی گئی۔

گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقئات کا آغاز کر دیا گیا ہے۔

اسرائیل کا پیجرز میں دھماکا خیز مواد نصب کرنے کا انکشاف