راولپنڈی: بھارتی فوج کی بزدلانہ جارحیت کے نتیجے میں زخمی ہونے والے 2 جوان دورانِ علاج شہید ہو گئے۔
پاک فوج کے شعبہ تعلقات عامہ آئی ایس پی آر کی جانب سے بھارتی جارحیت میں زخمی ہونے والے 2 زخمیوں کی شہادت کی تصدیق کرتے ہوئے بتایا گیا کہ پاک فوج کے جوان اسپتال میں زیرِ علاج تھے، پاک افواج کے شہدا کی مجموعی تعداد 13 ہو گئی ہے،بھارتی جار حیت کے نتیجے میں 78 جوان دورانِ ڈیوٹی زخمی ہوئے۔
آئی ایس پی آر کے مطابق شہدا کی عظیم قربانی ان کی جرات، فرض شناسی اور بےمثال حب الوطنی کی لازوال مثال ہے، پاکستان کی مسلح افواج، پوری قوم کے ساتھ مل کر ان عظیم شہدا کو خراجِ عقیدت پیش کرتی ہیں پاکستان کی مسلح افواج شہدا کے اہلِ خانہ سے تعزیت کا اظہار کرتی ہیں اور زخمی ہونے والے تمام جوانوں کی جلد اور مکمل صحتیابی کے لیے دعا گو ہیں شہدا کی قربانی قوم کی یادوں میں ہمیشہ زندہ رہےگی اور آنے والی نسلوں کے لیے باعثِ فخر بنے گی۔
پاکستان کا دفاع مضبوط ہاتھوں میں ہے،شرجیل میمن
وزیراعظم کا آپریشن بنیان المرصوص کی فرنٹ لائنز کا دورہ
وزیراعظم کا آپریشن بنیان المرصوص کی فرنٹ لائنز کا دورہ
