برلن:جرمنی کے شمالی علاقے میں ریل پر چاقو کے حملے میں افراد ہلاک اور سات افراد زخمی ہوگئے۔نیوزایجنسی اے ایف پی کی رپورٹ کے مطابق پولیس نے بتایا کہ شمالی جرمنی میں علاقائی ریل پر چاقو کے حملے میں متعدد افراد زخمی ہوئے تاہم دیگر مسافروں نے حملہ آور پر قابو پالیا۔
پولیس کے ترجمان نے کہا کہ چاقو کے حملے کا واقعہ دو شہروں ہیمبرگ اور کیئل کے درمیان چلنے والی ریل میں پیش آیا اور زخمیوں میں سے تین کی حالت نازک ہے۔انہوں نے کہا کہ مشتبہ حملہ آور کی عمر بیس اور تیس سال کے درمیان ہے اور ان کو بروک اسٹیڈٹ کے ریلوے اسٹیشن میں حراست میں لیا گیا ہے اور حملہ آور بھی زخمی ہوا ہے۔
حیدرآباد : پنیاری پولیس کی مختلف چھاپہ مار کاروائیاں، 7 ملزمان گرفتار, چرس اور…
پولیس نے بیان میں کہا کہ عینی شاہدین نے فوری طور پر حملہ آور کو پولیس کے آنے سے قبل پکڑ لیا۔ترجمان نے کہا کہ حملے کی تفتیش انتہاپسندی یا حملہ آور کے ساتھ نفسیاتی مسائل سمیت تمام پہلووں سے کی جارہی ہے۔
ادھر دو دن قبل امریکہ میں ہونے والی فائرنگ سے دس افراد ہلاک اور کم از کم 10 زخمی ہو گئے ہیں جنہیں فوری طور پر طبی امداد کے لیے نزدیکی اسپتال منتقل کردیا گیا ہے۔
گو جرہ : معمولی تلخ کلامی پر بھتیجے نے چچا کو قتل کردیا
مؤقر امریکی نشریاتی ادارے سی بی ایس نیوز اور لاس اینجلیس ٹائمز کے مطابق فائرنگ شب دس بجے اس وقت کی گئی جب گاروی ایونیو کے ایک ڈانس اسٹوڈیو میں لوگ نئی چینی قمری سال کا جش منا رہے تھے۔
