خطرناک پرواز،آسمان پر دو جہاز 60 میٹر کے فاصلے پر آگئے

سعودی عرب میں ایک دوسرے سے صرف 60 میٹر کے فاصلے پر پرواز کرتے دو جہازوں نے دیکھنے والوں کو خوفزدہ کردیا-

باغی ٹی وی: دونوں جہاز شاہ خالد ائرپورٹ پر ڈرامائی لینڈنگ سے پہلے ایک دوسرے کے انتہائی قریب آگئے تھے، جس کی ویڈیو سعودی ایوی ایشن نے جاری کی ہے سعودی ائرلائنز کا جہاز ”بوئنگ 777-300“ کیپٹن محمود بخاری اڑا رہے تھے، جبکہ فلائناس ائرلائن کا ”اے 320 نیو“ طیارہ کیپٹن فہد الیحیٰ اڑا رہے تھے۔

ویڈیو میں دونوں طیاروں کو ایک دوسرے کے قریب آتے ہوئے دکھایا گیا خوفزدہ کر دینے والے اس منظر میں دو طیاروں کو انتہائی قریب ہوتے دیکھا گیا۔ اس کے بعد طیارے ریاض کے کنگ خالد انٹرنیشنل ایئرپورٹ پر بحفاظت اتر گئے۔

Saudi Airlines and Flynas flights pass over Tuwaiq mountains and Riyadh city. The height difference between two flights is 60 meters and 200 fts.#SaudiArabia #SaudiAirlines #Flynas
More info : https://t.co/807ujqVYgQ pic.twitter.com/QQhDRgZuqP

— Saudi-Expatriates.com (@saudiexpat) July 23, 2023

سعودی ایئر لائنز کے آفیشل اکاؤنٹ نے "ٹویٹر” پر وضاحت کی کہ دونوں طیاروں کے درمیان اونچائی صرف 60 میٹر تھی۔ اس ویڈیو پر بہت سے افراد نے تنقید کی اور کہا صرف 60 میٹر کا فاصلہ بہت بڑا خطرہ تھا۔ خاص طور پر اس صورت میں جب طیارہ ایسا کرنٹ پیدا کرتا ہے جو دوسرے کو متاثر کر سکتا ہے۔

دوسری جانب ماہرین کا کہنا ہے کہ دونوں جہازوں کی ایک دوسرے کے اتنے قریب پرواز انتہائی خطرناک ہے کیونکہ جہاز پرواز کے وقت ہوا کا ایسا دباؤ پیدا کرتے ہیں جو دوسرے جہاز کو اڑا سکتا ہے۔

تاہم، ایک سول پائلٹ عبداللہ الغامدی کا کہنا ہے کہ اس طرح کی پروازیں گورننگ باڈی کی منظوری سے کی جاتی ہیں۔ اس کیلئے ہوا، زمین، پہاڑوں اور دیگر عوامل پر پیشگی ریسرچ کی جاتی ہے۔ لیکن حفاظت کیلئے ضروری ہے کہ طیاروں کا آپس میں فاصلہ کم سے کم 500 فٹ ہو۔