میرپورخاص: قتل کا جرم ثابت ہونے پرعدالت نے 2 قیدیوں کو سزائے موت سنادی
میرپورخاص(باغی ٹی وی نامہ نگار سید شاہزیب شاہ کی رپورٹ )قتل کا جرم ثابت ہونے پرعدالت نے 2 قیدیوں کو سزائے موت سنادی
تفصیل کے مطابق چند ماہ قبل کوٹ غلام محمد میں افضال جٹ نامی شخص کے قتل کے الزام میں میں نامزد دو ملزمان کشورکمار بھیل اور بھارو مل بھیل کو فرسٹ ایڈیشنل سیشن جج اور ماڈل اینڈ کریمنل کورٹ میرپورخاص نے جرم ثابت ہونے پر سزائے موت سنادی .
مدعی شہزاد علی جٹ کی مدعیت میں مقدمہ کوٹ غلام محمد پولیس اسٹیشن میں درج ہوا تھا مقدمے میں مدعی کی جانب سے نامور سینئر وکیل ایڈوکیٹ علی حسن چانڈیو کیس کی پیروی کر رہے تھے،مجرمان کوسزا دلوانے پر وکلاء کو پھولوں کے ہار پہنائے گئے-
