ڈیرہ غازیخان : 2 روزقبل ریلوے روڈ پرجلنے والی نامعلوم کار کے 2 شدید زخمی نوجوان دم توڑگئے

باغی ٹی وی ،ڈیرہ غازیخان : 2 روزقبل ریلوے روڈ پرجلنے والی نامعلوم کار کے 2 شدید زخمی نوجوان دم توڑگئے
تفصیل کے مطابق دو روزقبل ڈیرہ غازی خان ریلوئے روڈ پرآلٹو کار جل کر خاکستر ہو گئی تھی اس معاملہ پر ریسکیو یا پولیس کی جانب سے کوئی معلومات فراہم نہیں کی گئی تھیں کہ اس حادثہ میں کوئی زخمی ہوا کہ نہیں،کار والے کون تھے ؟ کہاں سے آئے ؟ تازہ ترین اپڈیٹ کے مطابق مورخہ 14/10/2022 کو بوقت 4 بجے صبح بمقام بالمقابل انڈس کالونی ریلوے روڈ ایک کار جو کہ بلانمبری تیز رفتاری سے شہر کی طرف جا رہی تھی ڈرائیور سے کنٹرول نہ ہونے کی وجہ سے درخت سے ٹکرا گئی ۔شارٹ سرکٹ کی وجہ سے کار مکمل طور پر جل کرراکھ ہوگئی تھی، دو افراد شدید زخمی ہوئے. تھے ،ذرائع کے مطابق ایک زخمی کو ملتان تو دوسرے کو ڈیرہ غازی خان ہسپتال داخل کرایاگیااب ذرائع سے معلوم ہواہے کہ ڈیرہ غازی خان ہسپتال میں داخل احمد عطاء ولد عطاء محمد قوم افغان سکنہ بلاک نمبر 26 ڈیرہ غازیخان فوت ہو گیا ہے جبکہ دوسرانوجوان جو کی ملتان نشتر میں داخل تھا امیر حمزہ ولد شیر محمد قوم بھٹہ سکنہ بلاک نمبر 25 وہ بھی فوت ہو گیا ہے. یہاں پر پولیس اور ریسکیو 1122 کی نااہلی بھی کھل کر عیاں ہوگئی ہے کہ انہوں بروقت کوئی اطلاع نہیں دی تھی کہ یہ حادثہ کیوں ہوا اور اس میں کون لوگ سوار تھے ،حادثے کے وہ کس حالت میں ہیں اور کہاں گئے ہیں ؟