رانی پور: پیر کی حویلی سے 20 سالہ شادی شدہ لڑکی کے لاپتا ہونے پر پولیس نے پیر سہیل شاہ کو گرفتار کرلیا۔
باغی ٹی وی : ایس ایس پی خیرپور کے مطابق رانی پور کی حویلی سے لاپتا 20 سالہ لڑکی کے کیس کی تحقیقات میں پیر سہیل شاہ کو حراست میں لے کر نامعلوم مقام پر منتقل کردیا ہے جب کہ لڑکی کے گھر والوں کو بھی طلب کیا گیا ہے۔
واضح رہے کہ رانی پور کے ایک اور پیر کی حویلی سے 20 سال کی شادی شدہ لڑکی کے لاپتا ہونے کا انکشاف ہوا،لاپتہ 20 سالہ لڑکی کے ورثا نے پیر سہیل احمد شاہ کے خلاف احتجاج کرتے ہوئے بتایا کہ ان کا تعلق قمبر کے علاقے مینا گاؤں سے ہے، ان کی بیٹی شادی شدہ ہے اور میاں بیوی کے درمیان تنازع ہوا تھا۔
محکمہ موسمیات کی آج سے ملک بھرمیں بارشوں کی پیشگوئی
انہوں نے کہا کہ معاملے حل ہونے تک پیر سہیل احمد شاہ نے لڑکی کو حویلی میں امانتاً چھوڑنے کو کہا تھا، ڈیڑھ سال قبل رانی پور حویلی سے اچانک فون کال کرکے آگاہ کیا گیا لڑکی لاپتہ ہوگئی ہے رانی پور حویلی میں کئی مرتبہ گئے لیکن لڑکی کا کچھ نہیں بتایا گیا۔
ورثا نے نگران وزیراعلیٰ سندھ اور پولیس کے اعلیٰ حکام سے مطالبہ کیا کہ لڑکی کو جلد سےجلد سےبازیاب کرایا جائے، نگران وزیراعلیٰ سندھ جسٹس ریٹائرڈ مقبول باقر نے حویلی سے لڑکی کی گمشدگی کا نوٹس لیا انہوں نے کمشنر سکھر سے فوراً انکوائری رپورٹ طلب کرتے ہوئے ڈی آئی جی سکھر کو لڑکی کی فی الفور بازیابی کا حکم دیا۔
واضح رہے کہ گزشتہ دنوں رانی پورمیں پیر کی حویلی میں کام کرنے والی 10 سالہ بچی تشدد سے جاں بحق ہوگئی تھی آج عدالت نے مرکزی ملزم اسد شاہ کے جسمانی ریمانڈ میں مزید 5 روز کی توسیع کی ہے میڈیکل بورڈ نے ابتدائی رپورٹ میں کمسن ملازمہ کے ساتھ جنسی زیادتی اور جسمانی تشدد کی تصدیق کی ہے۔
پوپ فرانسس کا مذاہب کے نام پر تشدد کا شکار افراد کے دن پر خصوصی …
