امریکی جریدے ‘فوربز’ نے دنیا کی سب سے بڑی ویڈیو ویب سائٹ ’یوٹیوب‘ پر ایک سال میں ریکارڈ کمائی کرنے والے افراد کی فہرست جاری کردی ہے جس میں 9 سالہ ریان کجی اپنی پوزیشن برقرار رکھے ہوئے ہیں-
باغی ٹی وی : فوربز کی رپورٹ کے مطابق گزشتہ برس کی طرح اس سال بھی یوٹیوب پر سب سے زیادہ کمائی کرنے والے افراد میں 9 سالہ ریان کجی ہی سرفہرست رہے۔
ٹیکساس کے رہائشی 9 سالہ ریان کجی یوٹیوب پر نہ صرف کھِلونوں اور گیمز پر تبصرے کرتے ہیں بلکہ دیگر ویڈیوز بھی اپلوڈ کرتے ہیں جو کافی پسند کی جاتی ہیں۔
ریان کجی ریانز ورلڈ (Ryan’s World) کے نام سے ایک یوٹیوب چینل چلاتے ہیں انہوں نے اپنے یوٹیوب چینل سے نہ صرف 2 کروڑ 95 لاکھ ڈالر (4 ارب 72 کروڑ پاکستانی روپے سے زائد) کمائے بلکہ انہوں نے ریانز ورلڈ کے برانڈڈ ٹوائز اور کپڑوں جن میں مارکس اینڈ اسپینسر بھی شامل ہیں سے 20 کروڑ ڈالر (32 ارب پاکستانی روپے) کمائے۔
ماہرہ خان سمیت 3 پاکستانی فنکار ایشیا پیسیفک کے 100 بااثر ترین ڈیجیٹل اسٹارز کی…
علاوہ ازیں حال ہی میں انہوں نے نکلوڈین پر اپنی ٹی وی سیریز کے لیے ایک معاہدہ بھی کیا۔
ریان کجی کی سب سے مقبول ویڈیو ہیوج ایگز سرپرائز ٹوائز چیلنج ہے جسے 2 ارب سے زائد مرتبہ دیکھا جاچکا ہے اور یہ یوٹیوب پر سب سے زیادہ دیکھی جانے والی 60 ویڈیوز میں سے ایک ہے۔
ایمن خان کا فوربز ایشیا 2021 کا حصہ بننے پر خوشی کا اظہار
فوربز کی فہرست کے مطابق سال 2020 میں یوٹیوب پر سب سے زیادہ کمائی کرنے والے افراد میں دوسرے نمبر پر جمی ڈونلڈ سن ہیں جو مسٹر بیسٹ کے نام سے جانے جاتے ہیں۔
انہوں نے سال 2020 میں 2 کروڑ 40 لاکھ (3 ارب 84 کروڑ سے زائد پاکستانی روپے) کمائے اور وہ اس فہرست میں شامل ہونے والے نئے فرد ہیں۔
تیسرے نمبر پر ڈوڈ پرفیکٹ یوٹیوب چینل ہے جس نے اس سال 2 کروڑ 30 لاکھ ڈالر (3 ارب 68 کروڑ سے زائد پاکستانی روپے) کمائے-
2020 پاکستان کی کون سی شخصیات کو گوگل پر زیادہ سرچ کیا گیا گوگل نے فہرست جاری کر…
چوتھے نمبر پر ریٹ اینڈ لنک ہیں جنہوں نے 2 کروڑ ڈالر (3 ارب 20 کروڑ پاکستانی روپے) کمائے اور پانچویں نمبر مارک پلر نے ایک کروڑ 95 لاکھ ڈالر (3 ارب 12 کروڑ سے زائد پاکستانی روپے) کی کمائی کی۔
اس فہرست میں چھٹے نمبر پر پریسٹن آرسمنٹ ہیں جنہوں نے ایک کروڑ 90 لاکھ ڈالر (3 ارب سے زائد پاکستانی روپے) کمائے۔
ساتویں نمبر پر 6 سالہ روسی یوٹیوبر اناستاسیا ہیں جو ‘ناستیا’ کے نام سے جانی جاتی ہیں، انہوں نے ایک کروڑ 85 لاکھ ڈالر (2 ارب 96 کروڑ سے زائد پاکستانی روپے) کمائے۔
2020 میں پاکستان میں گوگل پر سب سے زیادہ سرچ کئے جانے والے ڈرامے اور فلمیں
اس فہرست میں آٹھویں نمبر پر اسٹیون جان ہیں جنہوں نے ایک کروڑ 70 لاکھ (2 ارب 72 کروڑ سے زائد پاکستانی روپے) کمائے۔
نویں نمبر پر ڈیوڈ ڈوبرک ہیں جنہوں نے ایک کروڑ 55 لاکھ ڈالر (2 ارب 48 کروڑ سے زائد پاکستانی روپے) کی کمائی کی۔
دسویں نمبر پر جیفری اسٹار ہیں جنہوں نے اس سال ڈیڑھ کروڑ امریکی ڈالر (2 ارب 40 کروڑ سے زائد پاکستانی روپے) کمائے۔
