سندھ پولیس کی یکم جنوری تا دسمبر 2024 کی سالانہ کارکردگی رپورٹ سامنے آگئی ہے۔
باغی ٹی وی کے مطابق سندھ پولیس نے یکم جنوری تا دسمبر 2024 کی سالانہ کارکردگی رپورٹ آئی جی سندھ غلام نبی میمن کو پیش کردی ہے جب کہ کراچی میں اسٹریٹ کرائم کی وارداتوں میں گزشتہ سال کی نسبت واضح کمی دیکھنے میں آئی ہے۔رپورٹ کے مطابق سال 2024 میں دوران ڈکیتی مزاحمت پر شہریوں کے قتل کے 98 کیسز میں 75 (77 فیصد) مقدمات کو حل کرتے ہوئے 112 ڈکیت گرفتار جب کہ 33 ہلاک ہوئے۔دوران ڈکیتی شہریوں کو زخمی کیے جانے کے 321 کیسزمیں سے 226 (71 فیصد) مقدمات کو حل کرتے ہوئے 332 کریمنلز گرفتار جب کہ 36 ہلاک ہوئے۔سکھر، گھوٹکی، کشمور اور شکارپور کے کچہ ایریاز میں جاری آپریشنز کے نتیجے میں ڈاکوں سے 559 مقابلوں میں 73 ڈاکو ہلاک، 120 زخمی جب کہ 378 گرفتار کیے گئے۔ڈاکوئوں کے قبضے سے 436 کی تعداد میں مختلف اقسام کا اسلحہ و ایمیونیشن برآمد کیا گیا جب کہ ڈاکوں اور کریمنلز سے مقابلوں کے دوران 19 پولیس ملازمان شہید اور31 زخمی ہوئے۔پولیس نے انٹیلی جینس بیسڈ اطلاعات کے تحت 618 شہریوں کو ہنی ٹریپ سے بچایا۔ صوبے میں جرائم پیشہ عناصر کے خلاف 3864 پولیس مقابلوں میں 1782 جرائم پیشہ گروہوں کو ختم کیا گیا۔سندھ پولیس کا کہنا ہے کہ 7383 کریمنلز کو موقع پر ہی رنگے ہاتھوں گرفتار کیا گیا جب کہ مجموعی طور پر 342 ڈکیت اور کریمنلز ہلاک اور 21504 گرفتار ہوئے۔علاوہ ازیں 5 نوٹیفائیڈ ڈاکو ہلاک اور 08 گرفتار ہوئے، 3 ہائی ویز ڈکیت ہلاک اور 26 گرفتار ہوئے۔گرفتار و ہلاک کریمنلز کے قبضہ سے 02 ایل ایم جیز، 14 جی تھری رائفلز، 180 ایس ایم جیز کلاشنکوف، 644 رائفلز، شاٹ گنز، ریپیٹرز، ایم پی فائیو، 9400 پسٹلز، ریوالورز، ماذر، 42 ہینڈ گرنیڈز، 78748 رانڈز اور کارٹیرجز برآمد کیے گئے۔منشیات مافیاز کے خلاف 10692 چھاپوں کے تحت 12200 مقدمات درج کرتے ہوئے 14506 منشیات فروشوں کو گرفتار کیا گیا جب کہ 117.378 کلو گرام آئس، 57.679 کلو گرام ہیروئن، 9096.411 کلو گرام چرس، 104.469 کلو گرام اوپیئم جب کہ 361544 لیٹرز شراب برآمد کی گئی۔
پاکستان اور بھارت کے درمیان قیدیوں کی فہرستوں کا تبادلہ
