سعد فاروق
پاکستان میں سال 2025 کی پہلی براہ راست سرمایہ کاری آگئی۔
باغی ٹی وی کے مطابق ملکی معیشت استحکام کی جانب گامزن ہے، بیرونی سرمایہ کاروں کا اعتماد بڑھنے لگا ہے۔ذرائع کے مطابق نجی موبائل کمپنی کی گلوبل کمپنی کی جانب سے سرمایہ کاری کا اعلان کیا گیا ہے۔ذرائع نے بتایا ہے کہ براہ راست غیر ملکی سرمایہ کاری کا حجم ڈیڑھ کروڑ ڈالر ہے۔دوسری طرف وزیر اعلیٰ پنجاب مریم نواز شریف کے دورہ چین کے فوری ثمرات آنا شروع ہو گئے۔وزیرِ اعلیٰ مریم نواز شریف سے چین کے اعلی سطح وفد نے پنجاب ہاؤس اسلام آباد میں ملاقات کی۔جس میں چینگ ڈو جنرل کوآرڈینیٹر برائے آئی سی ٹی ہب مس اسکارلٹ اور ڈپٹی سی ای او ہواوے مسٹر یو رے شامل تھے۔چینگ ڈونے 700ملین ڈالر کی انوسٹمنٹ پر رضامند ی کا اظہار کیا۔وزیراعلی مریم نوازشریف نے اصولی منظوری دے دی۔چینگ ڈو حکو مت کے تعاون سے ای- ٹیکسی سروس کا جلد آغاز ہو گا۔لاہور نوازشریف آئی ٹی سٹی میں چینی کمپنی کمپیوٹنگ سنٹر بھی قائم کرے گی۔ ملاقات میں نوازشریف آئی ٹی سٹی میں ڈیٹا او رکلاؤڈ سنٹر قائم کرنے پر اتفاق کیا گیا۔ حکومت پنجاب ڈیٹا اور کلاؤڈ سنٹر قائم کرنے کیلئے ا راضی اور بلڈنگ فراہم کرے گی۔
