اسلام آباد: کابینہ ڈویژن نے 2025 میں سرکاری تعطیلات کا کیلنڈر جاری کردیا-
باغی ٹی وی : کابینہ ڈویژن کی جانب سے دسمبر کے آخر میں آنے والے سال کی 12 عوامی اور 22 اختیاری تعطیلات کا کیلنڈر جاری کیا گیا ہے،جس کے مطابق ملک بھر میں پہلی چھٹی 5 فروری کو ہوگی اور دوسری چھٹی 23 مارچ کو یوم پاکستان کے موقع پر ہوگی، توقع ہے کہ حکومت مارچ میں عیدالفطر کے لیے تین تعطیلات کا اعلان کرے گی جبکہ یکم مئی کو یوم مزدور کی تعطیل ہوگی۔
کیلنڈر کے مطابق عید الاضحیٰ کی تعطیلات ہوں گی جبکہ عاشورہ کی تعطیلات 9 اور 10 محرم کو ہوں گی، 14 اگست کو یوم آزادی کی تعطیل ہوگی،حکومت نے ماہ ربیع الاول میں عید میلاد النبی ﷺ کے موقع پر تعطیل کا اعلان بھی کیا تھا جبکہ 9 نومبر کو یوم اقبال کی تعطیل ہو گی، تاہم 2025 کی آخری عام تعطیل 25 دسمبر کو ہوگی۔
