کراچی میں پیر کے روز ٹریفک قوانین کی خلاف ورزی پر مجموعی طور پر 2296 ای چالان جاری کیے گئے، جن میں سب سے زیادہ 1499 چالان سیٹ بیلٹ نہ باندھنے پر کیے گئے۔
ٹریفک پولیس کے مطابق 402 موٹر سائیکل سواروں کو بغیر ہیلمٹ چلانے، جبکہ 152 ڈرائیورز کو سگنل توڑنے پر چالان کیا گیا۔موبائل فون کے استعمال پر 63، تیز رفتاری پر 38، رانگ وے پر 21، کالے شیشوں پر 39 اور اوور لوڈنگ پر 6 چالان جاری ہوئے۔اعداد و شمار کے مطابق بس کی چھت پر مسافر بٹھانے پر 20، غلط پارکنگ کے 16 اور غیر محفوظ طریقے سے سامان رکھنے پر ایک چالان کیا گیا۔ہیوی ٹریفک گاڑیوں کے خلاف بھی کارروائی کی گئی، جن میں 516 ای چالان شامل ہیں۔ گزشتہ 8 روز میں 26 بسوں، 9 کرینوں، 25 ڈمپروں، 22 آئل ٹینکرز، 205 ٹرکوں اور 229 واٹر ٹینکرز کے چالان کیے گئے۔
ڈی آئی جی ٹریفک کے مطابق ہیوی گاڑیوں میں سیٹ بیلٹ کے استعمال نہ کرنے پر 156، اسٹاپ لین کی خلاف ورزی اور چھت پر مسافر بٹھانے پر ایک، ایک چالان، جبکہ تیز رفتاری پر 352، موبائل فون کے استعمال پر 3 اور سگنل توڑنے پر 2 چالان کیے گئے
اسرائیلی مکین اب بھی خوف زدہ، گھروں کو واپس جانے سے گریزاں
حماس نے مزید 3 یرغمالیوں کی لاشیں اسرائیل کے حوالے کردیں
کراچی میں فلیٹ سے 80 لاکھ کے زیورات اور غیر ملکی کرنسی چوری
