23 بوری چلغوزے چوری، مقدمہ درج، اہم شاہراہ بند کرنے کی دھمکی
باغی ٹی وی کی رپورٹ کے مطابق جنوبی وزیرستان کے علاقے سے مسلح نقاب پوش ملزمان وانا حسن گودام سے 23 بوری چلغوزی پوش اٹھا لے گئے ،مسلح نقاب پوش رات بارہ بجے گودام کی دیوار کوپھلانگ کر اندرداخل ہوئے۔ عینی شاہدین کے مطابق گودام میں موجود چوکیدار اور دوسرے افراد پر اسلحہ تھان کرخاموش کردیا۔ مسلح نقاب پوشوں نے اسلحہ کی نوک پر نقدی اور موبائل بھی چھین لیے۔
عینی شاہدین کا مزید کہنا تھا کہ ملسح افراد نے ایک ڈبل کبین میں سوار ہوکر چلغوزوں سمیت فرار ہونے میں کامیاب ہوگئے۔
تاجروں نے اس حوالہ سے بتایا کہ لوٹی ہوئی چلغوزوں کی قیمت ایک کروڑ بیس لاکھ بنتی ہے۔ نبوت خان اور ان کے دیگر ساتھیوں نے سٹی تھانہ وانا میں نامعلوم افراد کے خلاف ایف آئی آر کٹوادی۔
پولیس نےڈاکووّں کی تلاش شروع کردی ۔گودام مالکان نے دھمکی دی ہے کہ اگر ڈاکووّں کو جلد نہ پکڑا گیا تو ہم وانا بائی پاس روڈ بند کردیں گے۔
