ممتاز حیدر
چوبیس نومبر کو لاہور میں پاکستان تحریکِ انصاف کی جانب سے کسی بڑے احتجاج یا "ڈو آر ڈائی” مظاہرے کی توقعات پوری نہ ہو سکیں۔ شہر کے اندر نہ کوئی قافلہ نکلا اور نہ ہی کسی مقام پر کوئی مظاہرہ دیکھنے کو ملا۔
اطلاعات کے مطابق، پی ٹی آئی کے قائدین، ماضی کی طرح اس بار بھی کارکنوں کو بلانے کے بعد خود منظر سے غائب رہے۔ پارٹی ذرائع نے بتایا کہ پولیس نے حماد اظہر کو گرفتار کرنے کی کوشش کی، لیکن وہ گرفتاری سے بچنے میں کامیاب رہے۔سلمان اکرم راجہ ٹویٹس کرتے رہے لیکن کسی مظاہرے کی قیادت کرتے نظر نہ آئے، عالیہ حمزہ چند افراد کولے کر نکلی ہیں، شاہدرہ میں علی اعجاز بٹر اور یاسر گیلانی کارکنوں کے ہمراہ نکل آئے،چیئرمین یو سی اعظم ورک سمیت 6 کارکنان گرفتار کر لئے گئے، پولیس ملحقہ گلیوں تک کارکنان کا پیچھا کرتی رہی، ٹی آئی سینٹرل پنجاب کے انفارمیشن سیکرٹری حافظ ذیشان کو لاہور کے چوبرجی چوک سے گرفتار کر لیا گیا
23 نومبر کی شام کو پی ٹی آئی کے مقامی رہنماؤں نے اعلان کیا کہ اسلام آباد جانا ممکن نہیں، اس لیے لاہور میں بتی چوک پر احتجاج کیا جائے گا۔ تاہم، احتجاج کے لیے بتی چوک پہنچنے والوں کی تعداد نہایت کم رہی۔ صرف پانچ خواتین "ڈو آر ڈائی” مظاہرے کے لیے وہاں موجود تھیں، جنہیں پولیس نے گرفتار کر کے قیدیوں کی وین میں بٹھا دیا۔ اس کے علاوہ، تین نوجوان جو قریب ہی بیٹھے تھے، انہیں بھی احتجاجی قرار دے کر گرفتار کر لیا گیا۔جین مندر کے قریب کچھ حامیوں نے موٹر سائیکلوں اور گاڑیوں کے ذریعے ریلی نکالنے کی کوشش کی، لیکن پولیس نے لاٹھی چارج کر کے ان کی یہ کوشش ناکام بنا دی۔ مظاہرین جلد منتشر ہو گئے اور پولیس نے کچھ افراد کو حراست میں لے لیا۔ یوں لاہور میں پی ٹی آئی کا "ڈو آر ڈائی” احتجاج کسی بڑی کارروائی کے بغیر ختم ہو گیا۔
بشریٰ بی بی اور علیمہ باجی دونوں نے بانی پی ٹی آئی کو بھی فارغ کر دیا، مریم اورنگزیب
پنجاب کی سینیئر صوبائی وزیر مریم اورنگزیب نے کہا ہے کہ”الجہاد” فساد اور فتنہ کی نذر ہو گیا ، نہ انقلاب آیا نہ خان چھُوٹا لیکن ایک بات ثابت ہو گئی کہ عوام نے فتنہ اور فساد چھوڑ دیا ہے،مریم اورنگزیب کی جانب سے پنجاب اور لاہور کے عوام کا شکریہ ادا کیا گیا اور کہا گیا کہ کہ فرنچائیز پی ٹی آئی کا آج دیوالیہ ہو گیا، عوام نے مسترد کر دیا ، پنجاب کی عوام پاکستان اور پنجاب کی ترقی کے ساتھ ہیں ،بشریٰ بی بی اور علیمہ باجی دونوں غائب جلد علی امین گنڈا پور کی بھی غائب ہونے کی خبر آئے گی، بشریٰ بی بی اور علیمہ باجی دونوں نے بانی پی ٹی آئی کو بھی فارغ کر دیا، فتنہ جیل میں بند ہے پہلے ملک لوٹنے پہ لگا ہوا تھا اب فساد پھیلانے پہ لگا ہوا ہے، ہمیشہ ملک بند کرنے کی بات کی اور ہمیشہ ملک بند کیا ، کہاتھا گھر کا معاملہ گھر میں ہی طے کرلیں، آدھا انقلاب انقلاب سے پہلے گرفتار اور آدھا انقلاب سے پہلے بھاگ گیا ۔
سپریم کورٹ پر حملہ کرنے والوں کو سزا مل جاتی تو نومئی نہ ہوتا، مبشرلقمان
بشریٰ پر مقدمہ کروانےوالا خود بھی مجرم نکلا
بشریٰ کو خون چاہیے،مولانا کو 3 میسج کس نے بھجوائے؟
بشریٰ کا بیان غیر ذمہ دارانہ، بے بنیاد ہے ،جنرل (ر) قمر جاوید باجوہ
بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف
بشریٰ کا خطاب،عمران خان تو”وڑ” گیا. مبشر لقمان
بشریٰ کے” جن” تو آ جائیں گے،دیو اور پریاں کہاں سے آئیں گی؟کیپٹن ر صفدر
