عمران خان کی کال پر 24 نومبر اسلام آباد لانگ مارچ کی تیاریاں جاری پی ٹی آئی سندھ کے صدر حلیم عادل شیخ قافلے کی صورت میں عوامی رابطہ مہم کے لئے نکل پڑے.
میڈیا رپورٹ کے مطابق حلیم عادل شیخ کراچی سے ٹھٹھہ، سجاول، بدین، ٹنڈو محمد خان، حیدرآباد اور جامشورو اضلاع کے مختلف شہروں میں پہنچے، حلیم عادل شیخ کے ہمراہ پی ٹی آئی سندھ کے جنرل سیکرٹری ڈاکٹر مسرور سیال، پی ٹی آئی سندھ کے سیکریٹری لیگل افیئر معروف قانوندان ایڈووکیٹ محمد اشرف سموں، پی ٹی آئی رہنما چودھری انس نثار، ایڈووکیٹ دانیال مگسی سمیت دیگر رہنما شامل تھے۔حلیم عادل شیخ و دیگر رہنمائوں نے عوام کو 24 نومبر کی لانگ مارچ کے حوالے سے آگاہی دی اور حقیقی آزادی، عمران خان کی آزادی، چوری شدہ مینڈیٹ کی واپس، 26 ویں آئینی ترمیم کے نقصانات، عدلیہ کی آزادی کے بارے میں آگاہ کیا اور 24 فروری کو عمران خان کی آخری کال پر اسلام آباد لانگ مارچ میں شرکت کی دعوت دی، مختلف شہروں میں حلیم عادل شیخ کا کارروان پہنچنے پی ٹی آئی کارکنوں سمیت شہریوں والہانہ استقبال کیا۔حلیم عادل شیخ نے پی ٹی آئی رہنمائوں کے ہمراہ کراچی، ٹھٹھہ، سجاول، بدین، ٹنڈو محمد خان، جامشورو، حیدرآباد اضلاع کے شہروں میں پہنچے جہاں علاقہ مکینوں نے پی ٹی آئی کے بانی چیئرمین عمران خان کی کال پر 24 نومبر کو ہونے والے لانگ مارچ کے حوالے سے بنائے گئے پمفلیٹ تقسیم کئے۔ مختلف مقامات پر میڈیا سے گفتگو کرتے ہوئے حلیم عادل شیخ نے کہا 24 نومبرانشائ اللہ حقیقی آزادی اور ہمارے مطالبات کی منظوری کا دن ہوگا، 24 نومبر پاکستان کے مستقل کا ثابت ہوگا انہوں نے کہا پورے پاکستان میں 24 نومبر کی لانگ مارچ کے حوالے سے عوامی رابطہ مہم جاری ہے ہم نے آج سندھ کے سات اضلاع کا دورہ کیا اور عوامی رابطہ مہم کے حوالے سے شہریوں میں پفلیٹ تقسیم کئے ہیں ہم نے عوام کو بتایا ہے کہ 24 نومبر ایک اہم دن ہی24 نومبر کو عوام کو اپنے حقوق کے لئے نکلنا ہوگا۔
ناکارہ طیارہ قابل استعمال بنانے کیلیے حیدرآباد منتقل کیا جائیگا
ترک دفاعی وفد آئندہ ہفتے پاکستان پہنچے گا
وزیراعظم کی اسحاق ڈار کو بلاول بھٹوکے تحفظات دور کرنے کی ہدایت
