وفاقی کابینہ سے 27ویں آئینی ترمیم کا مسودہ کل منظور ہونے کا امکان ہے، وزیراعظم شہباز شریف نے اس حوالے سے کابینہ کا اجلاس طلب کرلیا۔
ذرائع کے مطابق اجلاس میں کابینہ کو 27ویں آئینی ترمیم پر بریفنگ دی جائے گی، اور امکان ہے کہ ترمیم کل ہی سینیٹ اجلاس میں بھی پیش کردی جائے۔وزیراعظم شہباز شریف نے آج اتحادی جماعتوں کو اعتماد میں لیا۔ متحدہ قومی موومنٹ (ایم کیو ایم) کے وفد سے ملاقات میں وزیراعظم نے ایم کیو ایم کے بلدیاتی مسودے کو 27ویں آئینی ترمیم میں شامل کرنے کی یقین دہانی کرائی۔ایم کیو ایم نے ترمیم کی حمایت کا اعلان کرتے ہوئے دیگر اتحادی جماعتوں کی حمایت حاصل کرنے میں مدد کا وعدہ بھی کیا۔
ذرائع کا کہنا ہے کہ ایم کیو ایم نے وزیراعظم سے مطالبہ کیا کہ انتخابات کے بعد بننے والی مقامی حکومتوں کو مالی، انتظامی اور سیاسی اختیارات دیے جائیں، مقامی حکومتوں کی مدت چار سال ہو اور نئے انتخابات نگراں سیٹ اپ کے تحت کرائے جائیں۔وزیراعظم سے استحکام پاکستان پارٹی، ق لیگ اور بلوچستان عوامی پارٹی کے وفود نے بھی الگ الگ ملاقاتیں کیں
66 ویں سارک لٹریچر فیسٹیول کا 9 نومبر سے دہلی میں آغاز،پاکستان کو دعوت نہ ملی
