نیشنل ڈیزاسٹر مینجمنٹ اتھارٹی (این ڈی ایم اے) نے مون سون بارشوں کے باعث ملک بھر میں ہونے والے جانی و مالی نقصانات کی رپورٹ جاری کردی، جس کے مطابق 26 جون سے 29 جولائی تک 288 افراد جاں بحق اور 690 زخمی ہوئے۔
این ڈی ایم اے کی رپورٹ میں بتایا گیا ہے کہ مون سون کے اس عرصے کے دوران 1567 مکانات مکمل یا جزوی طور پر تباہ ہوئے، جس سے ہزاروں افراد متاثر ہوئے۔رپورٹ کے مطابق گزشتہ 24 گھنٹوں میں بارشوں کے نتیجے میں 7 افراد جاں بحق ہوئے جن میں پنجاب سے 6 جبکہ سندھ سے 1 شہری شامل ہے۔
اسی دوران مختلف حادثات میں پنجاب میں 14 اور خیبرپختونخوا میں 1 شہری زخمی ہوا، رپورٹ میں مزید بتایا گیا کہ این ڈی ایم اے تمام صوبائی اداروں کے ساتھ رابطے میں ہے تاکہ امدادی کارروائیاں بروقت مکمل کی جاسکیں۔حکام کے مطابق بارشوں کا سلسلہ جاری رہنے کے باعث مزید نقصانات کا خدشہ ہے، جس کے پیش نظر عوام کو احتیاطی تدابیر اختیار کرنے کی ہدایت کی گئی ہے۔
بٹگرام میں کارروائی، گدھے کا گوشت برآمد
9مئی کیس،الیکشن کمیشن نے رکن قومی اسمبلی عبدالطیف چترالی کو نااہل قرار دے دیا
لیبیا ، تارکین وطن کی کشتی ڈوب گئی، 18 ہلاک اور 50 لاپتا
