محمد پور دیوان : 3 مسلحہ افراد نے غریب محنت کش پر حملہ کرکے شدید زخمی کردیا

محمد پور دیوان ،باغی ٹی وی(نامہ نگار جنید احمدانی سے) نواحی علاقے چک کوڑے والا میں 3 مسلحہ افراد کا غریب محنت کش مزدور پر حملہ لیاقت حسین ولد نذر خان قوم گلفاد کو شدید زخمی کر دیا تفصیل کے مطابق گزشتہ روز میڈیا سے گفتگو کرتے ہوئے لیاقت حسین ولد نذر خان کا کہنا تھا کہ میں ایک غریب اور محنت مزدوری کرنے والا آدمی ہوں 3 با اثر افراد جن میں اختر ولد شفیع،نادر ولد اختراور ثناءاللہ ولد حفیظ قوم گلفاد نے پانی کی تقسیم کا بہانہ بنا کر مجھ پر ڈنڈوں اور سوٹوں کی برسات کر کے مجھے شدید زخمی کر دیا اور میرا موبائل بھی توڑ ڈالا جس کے بعد میں نے مقامی تھانہ محمد پور میں اطلاع دی تو انہوں نے مقامی دیہی مرکز ہسپتال بھیجا کہ پہلے ہسپتال جاؤ اور وہاں سے میڈیکل رپورٹ لے آؤ جبکہ ہسپتال انتظامیہ بھی رپورٹ دینے کی بجائے ٹال مٹول سے کام لے رہی ہے چونکہ ملزمان با اثر ہیں اس لیے پولیس اور ہسپتال عملہ ان کے خلاف نہیں جانا چاہتا اس لیے میری اعلیٰ حکام جن میں وزیر اعلیٰ پنجاب چوہدری پرویز الٰہی صاحب، آئی جی پنجاب،ار پی او ڈیرہ غازی خان، ڈی پی او راجن پور اور ڈی ایس پی جامپورسے درخواست ہے کہ مجھے انصاف دلانے کے ساتھ ساتھ مجھے تحفظ فراہم کیا جائے،