اسلام آباد: وفاقی تحقیقاتی ادارے (ایف آئی اے) نے جعلسازی کے ذریعے قومی شناختی کارڈ حاصل کرنے والی تین مفرور خواتین کو گرفتار کرلیا ہے۔
باغی ٹی وی : ترجمان ایف آئی اے کے مطابق کراچی میں ایف آئی اے اینٹی ہیومن ٹریفکنگ سرکل نے کارروائی کرتے ہوئے جعلسازی سے پاکستانی شناختی کارڈ حاصل کرنے والی تین مفرور خواتین کو گرفتار کیا۔
ترجمان ایف آئی اے کے مطابق بنگلا دیش سے تعلق رکھنے والی تینوں خواتین کو گلشن اقبال کے علاقے سے گرفتار کیا گیا گرفتار ملزمان میں عائشہ ناز، حنا ناز، اور افشاں ناز شامل ہیں تینوں خواتین 2022 سے مطلوب تھیں، ان خواتین نے غیرملکی ہونے کے باوجود قومی شناختی کارڈ حاصل کیا۔
لیپ ٹاپ کی جگہ خالی کارٹن امریکا بھیجنے پر حکام سے جواب طلب
ترجمان کے مطابق ابتدائی تفتیش سے پتاچلا کہ ملزمان نے ایجنٹ کی مدد سے جعلی دستاویزات کی بنیاد پر برتھ اور ڈیتھ سرٹیفیکیٹ حاصل کئے، ملزمان کو سیکرٹری یونین کونسل، رضویہ سوسائٹی، لیاقت آباد ٹاون نے برتھ اور ڈیتھ سرٹیفیکیٹ جاری کئے، مذکورہ دستاویزات کی بنیاد پر بنگالی خواتین نے شناختی کارڈ حاصل کئے۔
جوہری تجربہ کیا تو امریکا جوابی کارروائی کیلئے تیار رہے،روس
ترجمان کے مطابق گرفتار خواتین سے تفتیش کا آغاز کردیا گیا ہے ملزمان کی سہولت کاری میں ملوث عناصر کے خلاف بھی تحقیقات کو وسیع کردیا گیا ہے نادرا اہلکاروں کے ملوث ہونے کا تعین دوران تفتیش کیا جائے گا، ملزمان کی نشان دہی پر مزید گرفتاریاں بھی متوقع ہیں۔
شیطانی پھونک سے یادداشت کو مٹا کر لوگوں کو لوٹنے والی خاتون گرفتار
