تین منزلہ مکان کی چھت گرنے سے دو خاندان ملبے تلے دب گئے، امدادی کام جاری

تین منزلہ مکان کی چھت گرنے سے دو خاندان ملبے تلے دب گئے، امدادی کام جاری

باغی ٹی وی کی رپورٹ کے مطابق پنجاب کے صوبائی دارالحکومت لاہور میں افسوسناک واقعہ پیش آیا ہے

لاہور کے علاقے بھاٹی میں بوسیدہ مکان کی چھت گر گئی، اطلاع پر ریسکیو ٹیمیں موقع پر پہنچ گئیں اور امدادی کاموں‌ کا آغاز کر دیا،

اے سی سٹی امدادی کاموں کی نگرانی کر رہے ہیں.متعدد افراد ملبے تلے دبے ہیں،تین منزلہ عمارت گری، ملبے تلے دبے افراد کو نکالنے کے لئے ریسکیو کا کام جاری ہے، پولیس نے علاقے کو گھیرے میں لے لیا ہے ،ریسکیو کو عملہ بھی سائیڈ پر امدادی کاموں کو جاری رکھے ہوئے ہے.

اہل محلہ کا کہناہے کہ اس بلڈنگ میں دو خاندان رہائش پذیر تھے اور جب عمارت گری تو گھر کے تمام لوگ دوسری منزل پر موجود تھے جبکہ ان کے گھر آئے ہوئے مہمان بھی اسی عمارت میں موجود تھے ، ریسکیو اداروں کا کہناہے کہ جب تک ملبہ نہیں ہٹایا جا تا اس وقت تک کچھ بھی کہنا قبل از وقت ہو گا ۔