افغان کرکٹ بورڈ بھی پاکستان دشمنی میں بھارتی بورڈ کے نقش قدم پر چل پڑا، افغانستان بھی جنٹلمین گیم میں سیاست لے آیا، پاکستان آکر سیریز کھیلنے سے انکار کردیا۔
افغانستان نے پاکستان میں ہونیوالی 3 ملکی سیریز سے دستبرداری کا اعلان کردیا، سیریز 17 نومبر سے 29 نومبر تک شیڈول ہے، جس میں پاکستان اور سری لنکا نے بھی شرکت کرنا ہے۔افغانستان کی جانب سے تین ملکی سیریز میں شرکت سے انکار پر پی سی بی نے واضح مؤقف اپناتے ہوئے کہا ہے کہ سیریز شیڈول کے مطابق ہوگی۔
پاکستان کرکٹ بورڈ کا کہنا ہے کہ تین ملکی سیریز شیڈول کے مطابق ہوگی، تیسری ٹیم کیلئے زمبابوے سے بات چیت جاری ہے۔پاکستان میں ہونیوالی 3 ملکی سیریز 17 نومبر سے 29 نومبر تک شیڈول ہے، جس میں پاکستان اور سری لنکا نے بھی شرکت کرنا ہے۔
دوسری جانب قومی کرکٹ ٹیم کے سابق کپتان شاہد خان آفریدی نے افغانیوں کے نام پیغام میں کہا کہ پاکستان ہمیشہ اپنے افغان بھائیوں کے ساتھ کھڑا رہا، پاکستانیوں نے افغانوں کی مشکلات کو اپنی مشکل سمجھا، اپنی سرحدیں اپنے بھائیوں کیلئے کھول دیں، 40 لاکھ مہاجرین کو اپنی سر زمین پر بسایا، میں ذاتی طور پر 350 افغان گھرانوں کی دیکھ بھال کرتا ہوں، انتہائی افسوس سے کہنا پڑتا ہے افغانستان نے تمام احسانات کو فراموش کیا، افغانستان نے سرحدوں پر کھلی جارحیت کی، ہماری افواج نے افغانستان کا بھرپور جواب دیا، افغانستان کو سوچنا چاہئے کہ پاکستان اس کا برادر اسلامی ملک ہے،شاہد آفریدی نے مطالبہ کیا کہ افغانستان پاکستان میں دہشتگردوں کو تعاون فراہم کرنے والے ملک (بھارت) کے ہاتھوں استعمال نہ ہو۔
