لاہور: پنجاب پولیس نے تین خطرناک اشتہاری اور مطلوب ملزمان کو متحدہ عرب امارات سے گرفتار کرلیا۔
باغی ٹی وی :پولیس ترجمان کے مطابق پنجاب پولیس نے مزید 3 ملزمان کومتحدہ عرب امارات سےگرفتار کرلیاسلطان خان نامی اشتہاری ڈی جی خان پولیس کو 2021ء سےقتل کےمقدمہ میں مطلوب تھا جبکہ دوسرا ملزم علی شیر فیصل آباد پولیس کو مطلوب تھا جس نے گزشتہ برس شہری کو گولی مار کر قتل کیا تھا، تیسرا گرفتار ہونے والا اشتہار ی ملزم بلال ندیم ہے جو سیالکوٹ پولیس کو فراڈ کے مقدمے میں مطلوب ہے-
گوجرانوالہ:ناجائز منافع خوری کی روک تھام کیلئے ضلعی انتظامیہ کا کریک ڈاؤن
ترجمان پنجاب پولیس کےمطابق پنجاب پولیس نے انٹرپول سے ریڈ نوٹسز جاری کروا کر تینوں ملزمان کو گرفتار کیا اور اسپیشل آپریشنز سیل نے قانونی تقاضے پورے کرنے کے بعد ملزمان کی متحدہ عرب امارات سے پاکستان منتقلی کروائی، سب انسپکٹر چمن شہزاد کی قیادت میں اسپیشل آپریشن سیل کی ٹیم تینوں اشتہاریوں کو لے کر پاکستان روانہ ہوگئی ہے اور انہیں اگلے چند گھنٹوں میں لاہور ایئرپورٹ پہنچا دیا جائے گا، مذکورہ گرفتاریوں کے بعد رواں برس بیرون ملک سے گرفتار خطرناک اشتہاری مجرمان کی مجموعی تعداد 21 ہو گئی۔
روس تکنیکی طور پر جوہری جنگ کے لیے تیار ہے،صدر پیوٹن
اُدھر آئی جی پنجاب ڈاکٹر عثمان انور کی خطرناک اشتہاریوں کو بیرون ملک سے گرفتار کرنے پر سپیشل آپریشن سیل ٹیم کو شاباش دی اور اُن کی حوصلہ افزائی کی ہے۔
