ایف آئی اے انٹر پول کی کارروائی، تین اشتہاری ملزمان ابو ظہبی سے گرفتار

اسلام آباد: وفاقی تحقیقاتی ایجنسی (ایف آئی اے) انٹرپول نے کارروائی کرتے ہوئے تین اشتہاری ملزمان کو ابو ظہبی سے گرفتار کرلیا۔

باغی ٹی وی : ترجمان ایف آئی اے کے مطابق گرفتار ملزمان میں مسعود حسین، محمد سلیم اور محمد عمر شہزاد شامل ہیں، تینوں پنجاب پولیس کو مطلوب تھے جنہیں اسلام آباد ائیرپورٹ منتقل کیا گیا گرفتار ملزم مسعود حسین جہلم پولیس، ملزم محمد سلیم بہاولپور پولیس جبکہ ملزم محمد عمر شہزاد ٹوبہ ٹیک سنگھ پولیس کو مطلوب تھا۔

ترجمان ایف آئی اے کے مطابق ملزمان کے خلاف ڈکیتی اور قتل کی دفعات کے تحت مقدمے درج تھے، ملزمان کی گرفتاری کے لئے ایف آئی اے انٹرپول نے ریڈ نوٹسسز جاری کیے تھے بعد ازاں ایف آئی اے امیگریشن نے ملزمان کو متعلقہ پولیس حکام کے حوالے کر دیا، ملزمان کی حوالگی انٹرپول اسلام آباد کی انٹرپول ابو ظہبی کے ساتھ قریبی رابطہ کاری کی وجہ سے ممکن ہوئی۔

لاہور: باپ نے اپنے ہی 4 بچوں کو نہر میں پھینک دیا

https://x.com/FIA_Agency/status/1709475576095093079?s=20
دوسری جانب ایف آئی اے انٹرپول نے ایک اور کارروائی میں پنجاب پولیس کو مطلوب اشتہاری ملزم سعودی عرب سے گرفتار کرلیا ملزم کے خلاف قتل کی دفعات کے تحت مقدمہ درج تھا۔ملزم کی گرفتاری کے لئے ایف آئی اے انٹرپول نے ریڈ نوٹس جاری کیا تھا۔بعد ازاں ایف آئی اے اسلام آباد نے ملزم کو متعلقہ پولیس حکام کے حوالے کر دیا۔
https://x.com/FIA_Agency/status/1709474616920690769?s=20
ایف آئی اے امیگریشن کی لاہور ائیرپورٹ پر کارروائی،یونان جانے والے 3 مسافر آف لوڈ کر دیئے ملزمان کی نشاندہی پر فوری کاروائی کرتے ہوئے ایجنٹ بھی ائرپورٹ کی حدود سے گرفتارہوگیاملزمان سے یونان کا ویزا جعلی نکلا۔ملزمان نے فی کس 25 لاکھ روپے کے عوض ایجنٹوں سے کارڈ اور جعلی اسٹیمپس لگوائیں-

ویرات کوہلی کے حوالے سے شاہ رخ خان کا بڑا بیان

https://x.com/FIA_Agency/status/1709475811974377798?s=20
ایف آئی اے امیگریشن نے سیالکوٹ ائرپورٹ پر کارروائی کی،غیر قانونی پاسپورٹ پر سفر کرنے والا مسافر آف لوڈ کر دیا گیا اخلاق فاروق نامی ملزم نے زاہد فاروق کے پاسپورٹ پر سفر کرنے کی کوشش کی،ابتدائی تفتیش کے مطابق ملزم نے اپنے رشتے دار سے مذکورہ پاسپورٹ حاصل کرنے کے لئے 13 لاکھ دوپے ادا کئے-