کسٹمز انفورسمنٹ اینٹی سمگلنگ آرگنائزیشن نے ویسٹ وہارف کے قریب کارروائی کرتے ہوئے تیس کروڑ چوبیس لاکھ مالیت کے 11مختلف برانڈز کے 10ہزار 8موبائل فون ضبط کرلیے۔
باغی ٹی وی کے مطابق کسٹم حکام کی جانب سے کارروائی کے دوران کار کولنٹ کی آڑ میں سمگل کروڑوں روپے مالیت کے موبائل فون اور لکویڈ تمباکو فلیور قبضے میں کرلیے گئے۔اے بی میمن سنز نامی کمپنی نے کارکولنٹ کی آڑ میں ممنوعہ سامان سمگل کیا تھا۔ترجمان کسٹمزکے مطابق کارکولنٹ کے کانوں میں موبائل فون اور لکویڈ تمباکو فلیور موجود تھے،سمگل شدہ سامان مژدہ ٹرک کے ذریعے امپورٹر کے گودام میں منتقل کردیا گیا ہے۔
کسٹم حکام کے مطابق کارروائی کے دوران 30کروڑ 24لاکھ مالیت کی11مختلف برانڈز کے 10ہزار 8موبائل فون ضبط کیے گئے ہیں ،کارروائی میں تین کروڑ روپے مالیت کی 15ہزار لکویڈ تمباکو فلیور برآمد ہوئے۔برآمد شدہ موبائل فونز اور تمباکو فلیور کو کسٹمز ایکٹ کی متعلقہ دفعات کے تحت ضبط کیا۔ ترجمان کسٹم نے بتایاکہ کسٹمز ایکٹ کے تحت امپورٹر اے بی میمن سنز کے خلاف مقدمہ درج کرلیا گیا ہے۔
پاکستان کی معیشت میں بزنس مینوں کا اہم کردار ہے، گورنر سندھ
امریکہ میں غیر قانونی تارکین وطن کو ڈی پورٹ کرنے کیلیے فوجی پروازیں معطل
شہری نے 21 کروڑ سے زائد مالیت کے ہیرے نگل گیا
