ایف آئی اے اینٹی ہیومن ٹریفکنگ سرکل تفتان کی بڑی کاروائی ،غیر قانونی طور پر بارڈر کراسنگ کی کوشش میں ملوث 33 ملزمان گرفتار کر لیے گئے
گرفتار ملزمان کا تعلق بنگلہ دیش سے ہے ،گرفتار ملزمان رواں سال جون اور جولائی میں وزٹ ویزے پر پاکستان آئے تھے،ملزمان نے ماشکیل بارڈر ضلع چاغی سے بارڈر کراسنگ کی کوشش کی ،مذکورہ کاروائی فرنٹیئر کور حکام کے تعاون سے عمل میں لائی گئی۔گرفتار ملزمان سے قانونی دستاویزات طلب کی گئیں تو وہ تسلی بخش جواب پیش نہ کر سکے۔ ایف آئی اے نے ملزمان کو ماشکیل بارڈر ضلع چاغی کے قریب حراست میں لیا۔ملزمان کو گرفتار کر کے تفتیش کا اغاز کر دیا گیا.
انسانی سمگلنگ کے مقدمے میں ملزم کو 20 سال قید بامشقت کی سزا
سپیشل جج سینٹرل گوجرانوالہ کی عدالت میں زیر سماعت انسانی سمگلنگ کے ایک اہم مقدمے میں فیصلہ سنایا گیا ،ملزم محمد کاشف کو مجموعی طور پر 20 سال قید بامشقت اور 14 لاکھ روپے جرمانہ کی سزا دی گئی۔ملزم کو امیگریشن آرڈنینس کے تحت 10 سال قید بامشقت اور 4 لاکھ روپے جرمانہ جبکہ سمگلنگ آف مائیگرنٹ ایکٹ کے تحت 10 سال قید اور 10 لاکھ روپے جرمانہ کی سزا سنائی گئی۔ملزم نے شہری کو 40 لاکھ روپے کے عوض غیر قانونی طور پر سپین بھجوانے کی کوشش کی ،متاثرہ شہری تاحال لاپتہ ہے ،ایف آئی اے کی جانب سے مقدمے کی پیروی اسسٹنٹ ڈائریکٹر لیگل آصفہان اکرم نےکی.
