ایشیائی ترقیاتی بینک (اے ڈی بی) نے پاکستان کے لیے 33 کروڑ ڈالر کے قرض کی منظوری دے دی ہے، جس کا مقصد ملک کے قومی بجلی ترسیلی نظام کو جدید اور مؤثر بنانا ہے۔
حکومت کے مطابق یہ قرض توانائی کے ڈھانچے کو مضبوط بنانے اور بجلی کی فراہمی میں بہتری لانے میں اہم کردار ادا کرے گا۔اے ڈی بی کی تفصیلات کے مطابق مجموعی رقم میں سے 28.5 کروڑ ڈالر روایتی سرمائے کی مد میں فراہم کیے جائیں گے، جبکہ 4.5 کروڑ ڈالر رعایتی قرض ہوگا، جس پر سود کی شرح نسبتاً کم رکھی گئی ہے۔منصوبے کے تحت 500 کے وی کی 290 کلو میٹر طویل نئی ٹرانسمیشن لائن بچھائی جائے گی، جو ملک بھر میں بجلی کے بوجھ کو متوازن کرنے اور بڑے شہروں میں ترسیل کے نظام کو بہتر بنانے میں مدد دے گی۔
اس کے ساتھ ساتھ اسلام آباد اور فیصل آباد کے اہم گرڈ اسٹیشنز اور متعلقہ بنیادی تنصیبات کو اپ گریڈ کیا جائے گا، جس سے ان علاقوں میں بجلی کے بار بار تعطل کے مسائل میں نمایاں کمی آنے کا امکان ہے
متحدہ عرب امارات دنیا کا سب سے بڑا امداد دینے والا ملک قرار
فل کورٹ اجلاس: سپریم کورٹ ججز کی اجتماعی استعفے کی تجویز مسترد
ملک کو اب 28ویں ترمیم کی جانب بڑھنا ہوگا،خواجہ آصف
