fbpx

’خدا اور محبت 3‘ ٹوئٹر پر ٹرینڈ کیوں؟

نجی ٹی وی چینل جیو ٹی وی کے ڈرامہ سیریل ’خدا اور محبت3‘ کی گزشتہ شب نشر ہونے والی قسط پاکستان کے ٹوئٹر ٹرینڈ پینل پر بھی سرفہرِست ٹرینڈز میں شامل ہے۔

باغی ٹی وی :جیو انٹرٹینمنٹ پر سیونتھ اسکائے انٹرٹینمنٹ کے تحت پیش کیا جانے والا ڈرامہ سیریل’خدا اور محبت‘ کے سیزن تھری کی8ویں قسط گزشتہ شب نشر کی گئی جسے مداحوں نے بے حد پسند کیا یہاں تک کہ ڈرامہ سیریل کا نام ٹوئٹر پر ٹرینڈ میں رہا-

ٹوئٹر ٹرینڈ میں مداحوں کی جانب سے ڈرامے کی اس قسط سے مختلف تصاویر اور ویڈیوز کو ٹوئٹر پر شئیر کیا گیا، مداحوں نے ڈرامے کے مرکزی کرداروں کے بارے میں اپنی رائے کا اظہار بھی کیا۔


ایک مداح نے لکھا کہ ’اس میں کوئی شک نہیں کہ کہانی اور پروڈکشن حیرت انگیز ہے لیکن فیروز نے شاندار کام کیا، اداکار نے دکھا دیا کہ وہ پاکستان کے نمبر ون اداکار ہیں ۔‘

واضح رہے کہ ڈرامہ سیریل’خدا اور محبت‘ کے تیسرے سیزن میں مرکزی کردار معروف اداکار فیروز خان اور اداکارہ اقرا عزیز نے اداکیا ہے جبکہ ڈرامہ سیونتھ اسکائے انٹرٹینمنٹ پروڈکشن کے تحت پروڈیوسرز عبداللہ کادوانی اور اسد قریشی کی تخلیق ہے ۔

جواب چھوڑیں

آپ کا ای میل ایڈریس شائع نہیں کیا جائے گا.