تیسرے شوہر سے پہلی ملاقات کہاں ہوئی اور شادی کا فیصلہ کیوں کیا؟ ریحام خان کی گفتگو

ریحام خان کا کہنا ہے کہ ان کے تیسرے شوہر مرزا بلال بیگ اور مجھ میں بہت سی چیزیں مشترکہ ہیں، باقی اللہ کی مرضی کیوں وہی جانتا ہے کہ کب اور کیسے کچھ ہونا ہے کیوںکہ سب کچھ اللہ کی مرضی سے ہوتا ہے-

باغی ٹی وی : نجی ٹی وی کے پروگرام میں گفتگو کرتے ہوئے ریحام خان نےکہا کہ مرزا بلال بیگ کا تعلق کراچی سے ہے اردو اسپیکنگ فیملی سے ہیں جو کئی عرصے سے امریکا میں مقیم ہیں میری شادی سادگی سے ہوئی کیوںکہ ہم دونوں کی خواہش تھی کہ شادی سادگی اور آسانی سے ہو-

حارث رؤف کا نکاح ہو گیا،سی ای او لاہور قلندرز،عاقب جاوید،شاہین اور شاہد آفریدی کی…

ریحام نے بتایا کہ بلال سے میری پہلی ملاقات امریکا کے دورے کے دوران ہوئی اس ملاقات میں مجھے لگا کہ بلال اور مجھ میں بہت سی چیزیں مشترکہ ہیں، باقی اللہ کی مرضی کیوں وہی جانتا ہے کہ کب اور کیسے کچھ ہونا ہے کیوں کہ سب کچھ اللہ کی مرضی سے ہوتا ہے۔

ریحام خان کا کہنا تھا کہ مرزا بلال سیٹل میں رہائش پذیر ہیں اور سیٹل کی ایک بہت بڑی گلوبل کمپنی کیلئے کام کرتے ہیں، بلال شوقیہ بنائی گئی ویڈیوز بھی سوشل میڈیا پر شیئر کرتے رہتے ہیں، ماضی میں ماڈلنگ سے بھی وابستہ رہے لیکن پروفیشنل ہونے کی وجہ سے شوبز کو وقت نہیں دے پائے، اب میں ان کی حوصلہ افزائی کروں گی کہ وہ شوبز کیلئے وقت نکالیں۔

ریحام خان کی تیسری شادی،پہلے شوہرسے لیکرتیسرے شوہرتک کا دلچسپ سفر

تیسری شادی کے بعد ہونے والی تنقید پر انہوں نے کہا کہ ناقدین کے پاس تنقید کے علاوہ کوئی کام نہیں ہوتا لیکن میں نے کوئی غلط کام نہیں کیا جائزکام شرعی طریقے کے مطابق کیا ہےاورمجھے اس کی پرواہ نہیں کیوںکہ مجھے اپنی زندگی اپنے اصولوں کے مطابق گزارنی ہے۔

شادی میں بچوں کی شرکت اور بیٹے کے بطور نکاح میں وکیل بننے سے متعلق ریحام نے کہا کہ مجھے بچوں کی سپورٹ ہمیشہ حاصل رہی لیکن کیوں کہ اب تینوں بچے خود مختار ہیں لہٰذا اب بچوں کے حوالے سے میری ذمہ داری پہلے جیسی نہیں رہی، بیٹا بڑا ہے اس لیے وکیل کا فرض نبھایا تاہم پہلی بار بچے میری شادی میں شریک ہوئے کیوںکہ دوسری شادی کے وقت بچے چھوٹے تھے اور ساتھ نہیں تھے اب بچوں کے صلاح مشورے سے شادی کی اور انہوں نے بڑوں کی طرح سپورٹ کیا-

عامر لیاقت نازیبا ویڈیو معاملہ میں یوٹیوبر یاسر شامی کو طلب کرنے کا فیصلہ

ریحام خان کا کہنا تھا کہ ہم دونوں کا تعلق پاکستان سے ہے اور ہم دونوں کو ہی پاکستان سے بے حد محبت ہے اس لیے میں جس طرح پاکستان میں شادی سے پہلے اپنا وقت گزارتی رہی ہوں اس میں اور میرے کام میں کوئی فرق نہیں آئے گا، مجھے بلال کی سپورٹ بھی حاصل ہے لیکن ایسا نہیں ہے میں کہیں اور بلال کہیں اور رہیں اس کے ساتھ پاکستان آنا جانا رہے گا-