تربت:نامعلوم ملزمان کی فائرنگ سے4افرادجاں بحق

بلوچستان کے ضلع تربت کے علاقے تمپ میں نامعلوم ملزمان کی فائرنگ سے 4 افراد جاں بحق ہوگئے۔،اطلاعات کے مطابق لیویز حکام کے مطابق واقعہ تمپ کے پہاڑی علاقے شاہاپ میں دوپہر ایک بجے قریب پیش آیا جہاں نامعلوم ملزمان نے فائرنگ کرکے 4 افراد کو قتل کر دیا جبکہ ایک شخص زخمی ہوگیا۔

لاشوں اور زخمیوں کو اسپتال منتقل کیا گیا جہاں زخمی کو طبی امداد دی جا رہی ہے جبکہ مرنے والے افراد کی شناخت حنیف، بالاچ ،اقبال اور نیاز کے نامون سے کر لی گئی۔

جاں بحق تمام افراد کا تعلق بالیچہ ، پلا آباد اور مند بلوکی سے ہے لاشوں کو ضروری کارروائی کے بعد ورثاء کے حوالے کر دیا گیا جبکہ واقعے کی مزید تحقیقات جاری ہیں۔

ادھر بہادرآباد کے نجی اسپتال میں کار سوار خاتون نوعمر لڑکے کی لاش چھوڑ کر فرار ہوگئیں، پولیس نے واقعے کی تحقیقات کا آغاز کردیا۔

ذرائع کے مطابق جمعرات کی دوپہر کراچی کے علاقے بہادرآباد میں قائم نجی اسپتال میں کار سوار ایک خاتون نوعمر لڑکے کی لاش لے کر پہنچی، جہاں ڈاکٹروں نے معائنے کے بعد موت کی تصدیق کردی ۔

لاش کے چہرے اور جسم کے مختلف حصوں پر تشدد کے نمایاں نشانات تھے، ڈاکٹروں کی جانب سے موت کی تصدیق کے بعد خاتون نے اسپتال کے عملے سے ایمبولینس طلب کی جس پر اسپتال نے ایدھی فائونڈیشن کی ایمبولینس منگوائی اور لاش کو قریبی واقع سرد خانے منتقل کرنے لگے۔