سعد فاروق
پاکستان نے بھارتی فضائی دفاعی نظام ایس-400 کو مؤثر انداز میں نشانہ بنا کر تباہ کر دیا اور اس کارروائی کے ٹھوس شواہد عالمی برادری کے سامنے پیش کر دیے ہیں۔
ذرائع کے مطابق، بھارت کی عسکری ناکامی پر پردہ ڈالنے کی ناکام کوشش کرتے ہوئے معروف بھارتی صحافی شیو اروڑ نے 2019 کی ایک پرانی تصویر دوبارہ شیئر کی، تاکہ یہ تاثر دیا جا سکے کہ ایس-400 سسٹم محفوظ ہے۔بھارتی وزیر اعظم نریندر مودی نے بھی محض ایس-400 کے ایک لانچر کے سامنے کھڑے ہو کر تصویر جاری کی، جس کا مقصد عوام کو گمراہ کرنا تھا۔ حالانکہ حقیقت یہ ہے کہ ایس-400 ایک مکمل دفاعی نظام ہے جو 12 مختلف یونٹس پر مشتمل ہوتا ہے۔
افواجِ پاکستان نے شواہد کے ساتھ یہ بات ثابت کی کہ صرف لانچر ہی نہیں بلکہ ایس-400 کے اہم حصے جیسے ریڈار سسٹم اور کمانڈ پوسٹ بھی مکمل طور پر تباہ کیے گئے۔تجزیہ کاروں کے مطابق، مودی حکومت کی جانب سے جاری کی گئی تصاویر نہ صرف زمینی حقیقت سے ہٹ کر ہیں بلکہ بھارتی فوجی ناکامی کی پردہ پوشی کی ایک واضح مثال بھی ہیں۔
اسلام آباد یونائیٹڈ میں رسی وین ڈر ڈوسن اور ایلکس ہیلز کی واپسی
پاک بھارت کشیدگی،برطانوی وزیر خارجہ کا16 مئی کو پاکستان پہنچنے کا امکان
سندھ طاس معاہدے پر بھارت کے خطوط کا جواب دے دیا گیا ، پاکستان کا واضح مؤقف
