گوجرہ:تھانہ صدر کی کارروائی،38جواریوں سمیت41ملزمان گرفتار

گو جرہ نامہ نگار باغی ٹی وی( عبدالرحمن جٹ سے) ڈسٹرکٹ پولیس آفیسر ٹوبہ عبادت نثار کے حکم پرٹوبہ پولیس کی جرائم پیشہ عناصر کے خلاف کاروائیاں جاری،تھانہ صدر گوجرہ38جواریوں سمیت41ملزمان گرفتار، جواء کی رقم1لاکھ24ہزار،55لیٹر شراب،1300گرام ہیروئن، اسلحہ ناجائز1 پسٹل30بور معہ گولیاں برآمدمقدمات درج

ڈسٹرکٹ پولیس ٹوبہ ٹیک سنگھ ڈی پی او ٹوبہ عبادت نثارکے حکم پر ضلع بھر میں جرائم پیشہ عناصر کے خلاف کاروائیاں جاری رکھے ہوئے ہے
سرکل گوجرہ۔ڈی ایس پی گوجرہ آفتاب احمد کی سربراہی میں ایس ایچ او تھانہ صدر گوجرہ انسپکٹر سرفراز احمد معہ ملازمان پولیس پر مشتمل ٹیم نے مخبر کی اطلاع پر کارروائی کرتے ہوئے کتوں اور بھینسوں کی لڑائی پر جواء کروانے والے38ملزمان اشرف،فرید،نذیر ولد پہلوان وغیرہ کو جواء کھیلتے رنگے ہاتھوں قابو کیا جن کے قبضہ سے جواء پر لگی رقم1لاکھ24ہزارروپے برآمد ہوئی۔ پولیس ٹیم نے دوران ریڈ 3کتے اور بھینسا بھی قبضہ میں لے لیا ہے۔

اسی طرح پولیس ٹیم نے کارروائی کرتے ہوئے منشیات فروش 2ملزمان سلطان اور ضیغم کوقابو کیا جن کے قبضہ سے مجموعی طور پر55لیٹر شراب اور 1300 گرام ہیروئن برآمد ہوئی۔

اسی طرح ایک اور کارروائی کے دوران پولیس ٹیم نے اسلحہ ناجائز رکھنے والے ملزم رضوان کو قابو کیا جس کے قبضہ سے اسلحہ ناجائز پسٹل30بور معہ گولیاں برآمد ہوا۔

گرفتار تمام ملزمان کے خلاف الگ الگ مقدمات درج رجسٹر کر کے کارروائی عمل میں لائی گئی ہے۔