ورلڈ ہیڈر ایڈ

مدینہ کی ریاست میں سکھوں کے گردوارے کے بعد مندر بھی کھل گیا

سیالکوٹ شہر میں ہندوؤں کے تیجا سنگھ مندر کو تقریباً72 سال بعد پھر بحال کردیا گیا ہے

سیالکوٹ (نمائندہ باغی ٹی وی )پاکستان کے قدیم شہر میں ہندوؤں کے ایک اور قدیم مندر کو تقریباً 72 سال بعد پھر بحال کردیا گیا ہے، سیالکوٹ سرکلر روڈ پر واقع شوالہ تیجا سنگھ مندر کی جگہ ایک کنال رقبے پر مشتمل ہے اور یہ مندر قیام پاکستان کے بعد سے بند پڑا تھا۔
متروکہ وقف املاک بورڈ کے چیئرمین ڈاکٹر عامر احمد کی ہدایت پر ڈپٹی سیکرٹری شرائنز سید فراز عباس نے سیالکوٹ میں مقامی ہندو برادری سے ملاقات کی جس کے بعد مندر کو کھول دیا گیا جس کے بعد مندر کا ہندو رسم ورواج کے مطابق افتتاح کیا گیا۔ مندر کھولے کی مذہبی تقریب میں ہندو رہنما ڈاکٹر منور چاند، امرناتھ رندھاوا اور پنڈت کاشی رام سمیت ہندوؤں اورمسلمانوں کی بڑی تعداد شریک ہوئی۔
سید فراز عباس نے باغی ٹی وی کے نمائندے سے بات کرتے ہوئے بتایا کہ یہ مندر 1947 سے بند پڑا تھا، ہندو برادری کی جانب سے کئی برسوں سے اس مندر کو کھولے جانے کی دیرینہ خواہش کا اظہار کیا جارہا تھا۔وزیراعظم عمران خان اور چیئرمین متروکہ وقف املاک بورڈ کی ہدایت پر مندرکو کھول دیا گیا ہے۔ اب اس کی آرائش وتزئین کا تخمینہ لگا کر یہاں کام شروع کروایا جائے گا۔ ذرائع کے مطابق مندر میں رکھنے کے لیے مورتیاں ہمسایہ ملک بھارت سے منگوائی جائیں گی۔
اس پہلے بھی پاکستان نے سیالکوٹ میں ہی واقع سکھوں کے قدیم گوردوارے بابے دی بیری کو بھی 2015 میں بحال کیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.