پاکستان ٹیلی کمیونیکیشن اتھارٹی (پی ٹی اے) نے نیشنل ڈیٹا بیس اینڈ رجسٹریشن اتھارٹی (نادرا) کی ہدایت پر زائد المیعاد شناختی کارڈز پر جاری کی گئی 49 لاکھ موبائل سموں کو بند کرنے کی منظوری دے دی ہے۔
ذرائع کے مطابق، نادرا نے وزارت داخلہ کے توسط سے پی ٹی اے کو آگاہ کیا تھا کہ بعض افراد کے شناختی کارڈز کی میعاد ختم ہو چکی ہے مگر ان پر رجسٹرڈ موبائل فون سمز بدستور فعال ہیں، جس سے سیکیورٹی خطرات پیدا ہو سکتے ہیں۔ نادرا نے پی ٹی اے سے ان زائد المیعاد شناختی کارڈز پر جاری تمام موبائل سمز کو غیر فعال کرنے کی سفارش کی ہے۔ پی ٹی اے نے معاملہ وزارت داخلہ کو واپس بھیج کر ان سے ایک مرتبہ پھر تصدیق طلب کی، جس پر وزارت داخلہ نے نادرا سے تفصیلی معلومات لے کر پی ٹی اے کو ہدایت جاری کر دی۔
ذرائع کا کہنا ہے کہ ابتدائی طور پر یہ اقدام مرحلہ وار کیا جائے گا اور پہلے مرحلے میں 30 جون 2025 سے سمز کی بندش شروع ہوگی، جبکہ 31 دسمبر 2025 تک تمام 49 لاکھ زائد المیعاد شناختی کارڈز پر رجسٹرڈ سمز کو مکمل طور پر بند کر دیا جائے گا۔ذرائع کے مطابق، ان سمز کی بندش سے پہلے صارفین کو ایس ایم ایس اور دیگر ذرائع سے مطلع کیا جائے گا تاکہ وہ بروقت اپنے شناختی کارڈز کی تجدید کروا سکیں۔
مزید بتایا گیا ہے کہ یہ اقدام سیکیورٹی خدشات کے تناظر میں لیا جا رہا ہے کیونکہ غیر فعال شناختی کارڈز پر جاری سمز کا غلط استعمال ممکن ہے، جس سے جرائم اور دیگر غیر قانونی سرگرمیوں میں اضافہ ہو سکتا ہے۔
ایرانی میزائل حملوں کے بعد اسرائیلی شہری یاٹس کے ذریعے فرار ہونے لگے
اسرائیلی طیارے ترکیہ کی حدود میں داخل ، ترک طیاروں کی فوری جوابی پرواز
روس کی ایران اسرائیل تنازع پر ایک بار پھر ثالثی کی پیشکش، اسرائیل کی ہچکچاہٹ برقرار
آیت اللّٰہ خامنہ ای نے جنگی اختیارات پاسداران انقلاب کو منتقل کر دیے