پشاور: وزیراعلیٰ خیبرپختونخوا علی امین گنڈاپور نے بانی پاکستان تحریک انصاف (پی ٹی آئی) کی غیر قانونی اور غیر آئینی گرفتاری اور سزا کو مسترد کرتے ہوئے کہا ہے کہ یہ سزائیں عوام کی رائے اور آئین پر ایک واضح حملہ ہیں۔ انہوں نے اپنے ایک بیان میں واضح کیا کہ تمام غیر قانونی فیصلے فوری طور پر واپس لیے جائیں۔
علی امین گنڈاپور نے کہا کہ پاکستان میں 5 اگست سے ایک نئی تحریک آزادی کا آغاز ہوگا جو ملک کی حقیقی آزادی کے لیے سرگرم ہوگی۔ ان کا کہنا تھا کہ جو لوگ پی ٹی آئی کو ختم کرنے کی کوشش کر رہے ہیں وہ جلد ماضی کا حصہ بن جائیں گے اور پی ٹی آئی اپنی طاقت سے مزید مضبوط ہوگی۔
وزیراعلیٰ نے زور دیا کہ وہ سچ کے ساتھ کھڑے ہیں اور ملک و قوم کی خدمت کے لیے ہر قسم کی قربانی دینے کے لیے تیار ہیں۔
