ننکانہ :پٹرولنگ پولیس کارروائی 5جعلی ایکسائز آفیسر رسید بکس نقد کیش اور پرائیویٹ گاڑی سمیت گرفتار

ننکانہ صاحب باغی ٹی وی( نامہ نگاراحسان اللہ ایاز)پٹرولنگ پولیس علی آباد کی بڑی کاروائی پانچ جعلی ایکسائز آفیسر رسید بکس نقدی کیش اور پرائیویٹ گاڑی سمیت گرفتار،پٹرولنگ پولیس علی آبادی کی بڑی کاروائی پانچ جعلی ایکسائز آفیسر رسید بک نقدی کیش اور پرائیویٹ گاڑی سمیت گرفتار کر کے ان کے خلاف ایف آئی آر درج کر کے حوالات میں بند کردیا

تفصیلات کے مطابق ٹال پلازہ فیروز وٹواں کے قریب پانچ جعلی افراد ایکسائز افیسر بن کر ایک پرائیویٹ گاڑی نمبر LOC/6633 میں ناکہ لگا کر پرائیویٹ گاڑیوں کو روک کر پانچ 500 کی رسیدیں دے کر پیسے بٹور رہے تھے اطلاع پا کر ڈیوٹی پر موجود علی آباد چوکی انچارج پٹرولنگ پولیس محمد عمران نے اپنی ٹیم کے ساتھ موقع پر پہنچ کر جانچ پڑتال کی تو وہ جعلی ایکسائز آفیسر بن کر لوٹ مار کر رہے تھے

پٹرولنگ پولیس نے کارروائی کرتے ہوئے ان پانچ افراد عثمان شوکت،غلام عباس ،بابر علی،عمر عثمان،اور صداقت علی کو گرفتار کر کے ان کے قبضے سے جعلی رسید 5900 روپے نقدی اور گاڑی مارگلہ برآمد کر کے پولیس تھانہ بھکھی کے حوالے کر دیا جن کے خلاف ایس ایچ او بھکھی نے مقدمہ درج کر کے انکوائری شروع کر دی