آسٹریلیا میں ہندوستانی کمیونٹی کے رہنما کو 5 کوریائی خواتین کی عصمت دری کرنے کے جرم میں 40 سال قید کی سزا سنائی گئی ہے،اگلے 30 سال تک کوئی پیرول نہیں ملے گا۔
غیر ملکی میڈیا رپورت کے مطابق آسٹریلیا کے ڈاؤننگ سینٹر ڈسٹرکٹ کورٹ نے جمعہ کو 43 سالہ بالیش دھنکھڑ کو سزا سنائی۔آسٹریلین ایسوسی ایٹڈ پریس نے رپورٹ کیا کہ دھنکھڑ نے خواتین کو راغب کرنے کے لیے اپنے سڈنی کے گھر میں نوکری کا جعلی اشتہار جاری کیا تھا۔ جب وہ وہاں پہنچیں تو سابق آئی ٹی کنسلٹنٹ نے خواتین کے ساتھ چھیڑ چھاڑ اور عصمت دری کی۔خبر میں بتایا گیا کہ ملزم نے اپنے فعل کی ویڈیو بھی بنائی تھی۔ تمام خواتین کی عمریں 21 سے 27 سال کے درمیان تھیں اور جرم کے وقت وہ یا تو بے ہوش تھیں یا ان کی حالت کافی خراب تھی۔
