گوجرخان :واپڈا اہلکار کو اغواء کرنے والے 5 ملزمان گرفتار
گوجرخان باغی ٹی وی( نامہ نگار شیخ ساجد قیوم )واپڈا اہلکار کو اغواء کرکے تشدد اور ناروا سلوک کرنے والے 05ملزمان گرفتار،گرفتار ملزمان میں عرفان، شان قمر، عمران بنی، گلفام اور ارباب شامل ہیں
ملزمان نے بجلی چوری کی اطلاع پر آنے والے واپڈا اہلکار کو اغواء کیا اور تشدد کا نشانہ بنایا تھا
سی پی اوسید خالدہمدانی نے واقعہ کا نوٹس لیتے ہوئے ایس پی صدر کو ملوث ملزمان کی فوری گرفتاری کا حکم دیا تھا،ایس پی صدر کی سربراہی میں گوجر خان پولیس نے ہیومن انٹیلیجنس سمیت تمام ذرائع بروئے کار لاتے ہوئے ملزمان کو گرفتار کیا
ایس پی صدر کاکہناتھاکہ ملزمان کو قرار واقعی سزادلوانے کے لیے تمام قانونی تقاضے پورے کیے جائیں گے،
سی پی او سید خالد ہمدانی نے کہا کہ قانون ہاتھ میں لینے والے ملزمان قانون کی گرفت سے نہیں بچ سکتے، ملزمان کو ٹھوس شواہد کے ساتھ چالان عدالت کیا جائے گا،
Leave a reply
