اسرائیل کا لبنان، شام سرحد کے قریب فضائی حملہ،5 شامی فوجی ہلاک

اسرائیل نے لبنان، شام سرحد کے قریب فضائی حملہ کیا جس کے نتیجے میں 5 شامی فوجی ہلاک ہوگئے۔

عرب میڈیا کی خبر کے مطابق شام سے ہونے والے ڈرون حملوں کے بعد کل رات اسرائیلی فوج نے شام لبنان بارڈر پر قائم شامی فوج کی چیک پوسٹ پر حملہ کیا جس کے نتیجے میں 5 شامی فوجی ہلاک ہوئے اسرائیلی فوج نے اپنے بیان میں کہا کہ انہوں نے شام، لبنان بارڈر پر قائم انفرااسٹکچر پر حملہ کیا جس کے ذریعے حزب اللہ شام کے راستے لبنان میں اسحلہ منتقل کر رہی تھی۔

واضح رہے کہ 2 روز قبل شام میں موجود مزاحمتی قوتوں نے ڈرون طیاروں سے شمالی اسرائیل کی ایلات بندرگاہ کو نشانہ بنایا تھا جس کے نتیجے میں 2 افراد زخمی ہوئے تھے۔

دوسری جانب لبنان پر اسرائیلی حملے شروع ہونے کے بعد ہزاروں لوگ بے گھر ہیں جبکہ لوگوں کی ایک بڑی تعداد شام کی طرف ہجرت کررہی ہے اقوام متحدہ کی پناہ گزیں ایجنسی کے مطابق گزشتہ 3 دنوں میں 30 ہزار سے زائد شہری جن کی اکثریت کا تعلق شام سے تھا وہ لبنان سے شام ہجرت گرگئے جب کہ گزشتہ ایک ہفتے کے دوران لبنان میں 90 ہزار سے زائد لوگ بے گھر ہوگئے ہیں۔

ادھر اسرائیلی وزیر اعظم نیتن یاہو نے عالمی برادری کی جانب سے غزہ اور لبنان میں جنگ بندی کے مطالبے کو رد کرتے ہوئے کہا کہ جنگ بندی نہیں ہو گی اقوام متحدہ کی جنرل اسمبلی کے اجلاس کے موقع پر جمع ہونے والے متعدد سیکڑوں ممالک کے سربراہوں کی جانب سے اسرائیل سے جنگ بندی کا مطالبہ کیا گیا تھا۔

گزشتہ روز اسرائیل کو اپنی بربریت جاری رکھنے کے لیے مزید 8.7 ارب ڈالر کی امداد دینے والے امریکا نے بھی نیتن یاہو سے خطے میں کشیدگی کم کرنے کہا تھا نیتن یاہو کا کہنا ہے کہ وہ پوری قوت اور طاقت کے ساتھ حزب اور حماس کے خاتمے کے لیے لبنان اور غزہ پر حملے جاری رکھیں گے، اور یرغمالیوں کی رہائی تک جنگ جاری رہے گی۔