ننکانہ صاحب : 26 اکتوبر کو 500 بھارتی سکھ یاتری پاکستان آئیں گے

باغی ٹی وی ننکانہ صاحب (احسان اللہ ایاز )26 اکتوبر کو 500 بھارتی سکھ یاتری پاکستان آئیں گے
تفصیلات کے مطابق بھارتی سکھ یاتری ساکا پنجہ صاحب کی تقریب میں شرکت کے لیے 500کے قریب سکھ یاتری 26اکتوبر کو بھارت سے واہگہ بارڈر کے راستے پاکستان آئیں گے پاکستان نے خیر سگالی کے طور پر بھارتی شہریوں کو تقریب میں شرکت کی اجازت دی ہے ساکا پنجہ صاحب کی مرکزی تقریب 30اکتوبر کو حسن ابدال میں منعقد ہو گی جس میں دیگر ممالک کے یاتری بھی شریک ہوں گے ۔ چیئرمین متروکہ وقف املاک بورڈ حبیب الرحمن گیلای کا کہنا ہے کہ بھارت سمیت دنیا بھر سے آنے والے مہمانوں کی بہترین مہمان نوازی کی جائے گی اور سیکورٹی و رہائش سمیت دیگر انتظامات فول پروف بنائے جائیں گے ۔ بورڈ کے ایڈیشنل سیکرٹری شرانئز رانا شاہد کا کہنا ہے کہ چیئرمین بورڈ کی ہدایت پر تمام انتظامات مکمل کر لیے گئے ہیں