قصور ( ڈسٹرکٹ رپورٹر طارق نوید سندھو ) فارم ہاؤس پرپولیس کا چھاپہ، ڈانس پارٹی میں30 مرد 25 لڑکیاں گرفتار
تفصیل کے مطابق تھانہ مصطفیٰ آباد پولیس نے ڈی ایس پی صدر افضل ڈوگر کی سربراہی میں ایک فارم ہاؤس پر چھاپہ مارا اور ڈانس پارٹی کے دوران نشے میں دھت 30 مردوں اور 25 لڑکیوں کو رنگے ہاتھوں گرفتار کر لیا۔ پولیس نے فارم ہاؤس سے شراب کی بوتلیں، ڈانسنگ پلز، شیشہ پینے کا سامان اور ساؤنڈ سسٹم بھی قبضے میں لے لیا۔
تھانہ مصطفیٰ آباد پولیس کو پکی حویلی کے قریب فارم ہاؤس پر ڈانس پارٹی کی خفیہ اطلاع موصول ہوئی تھی۔ ڈی پی او محمد عیسیٰ خان کی ہدایت پر ڈی ایس پی صدر کی سربراہی میں ایس ایچ او ثقلین بخاری پر مشتمل ٹیم نے بھاری نفری کے ساتھ فارم ہاؤس پر چھاپہ مارا۔ پولیس نے فارم ہاؤس کے مالک سمیت نشے میں دھت 30 مردوں اور 25 لڑکیوں کو گرفتار کر لیا۔
پولیس نے گرفتار ملزمان کے خلاف مختلف دفعات کے تحت مقدمہ درج کر لیا ہے اور مزید تفتیش جاری ہے۔
