ممتاز حیدر
سری لنکا میں کئی سال سے قید 56 پاکستانی وطن واپس پہنچ گئے
برسوں بعدوطن واپس آنے پر قیدیوں کی آنکھوں میں خوشی کے آنسو آگئے۔ محسن نقوی اور عبدالعلیم خان کو دعائیں دیں.وطن واپس آنے والی بزرگ خاتون کا کہنا تھا کہ بیٹا آپکا شکریہ کہ ہم پاکستان واپس آ گئے ہیں۔آپ کی بہت مہربانی۔ یہ احسان زندگی بھر نہیں بھول سکتے۔ وطن واپس آنے والے شخص نے گفتگو کرتے ہوئے کہا کہ محسن نقوی اور عبدالعلیم خان کی بدولت آج وطن واپس آئے ہیں۔جن حالات میں قید تھے ۔ شکر ہے ہم واپس وطن آئے۔محسن نقوی اور عبدالعلیم کے شکرگزار ہیں کہ وہ ہمیں اپنے گھر واپس لائے۔
وفاقی وزیرداخلہ محسن نقوی اور وفاقی وزیر نجکاری عبدالعلیم خان کی کاوشیں بار آور ،5 خواتین اور51 مرد قیدیوں کو سری لنکا سے چارٹرڈ طیارے کے ذریعے وطن واپس لایا گیا،وزیر داخلہ محسن نقوی نے پاکستانی قیدیوں کی وطن واپسی یقینی بنانے کیلئے ذاتی دلچسپی لی اور سری لنکن ہائی کمشنر کے ساتھ اس ایشو کو اٹھایا،وفاقی وزیر عبدالعلیم خان نے سری لنکا سے پاکستانی قیدیوں کی وطن واپسی کے تمام اخراجات برداشت کئے،وزیر داخلہ محسن نقوی کا کہنا تھا کہ قیدیوں کی وطن واپسی کے لیے تعاون پر سری لنکن حکومت اور ہائی کمشنر کے کردار کو سراہتے ہیں۔ قیدیوں کی واپسی کے اخراجات برداشت کرنے پر وفاقی وزیر عبدالعلیم خان کا بھی شکریہ ادا کرتا ہوں۔
