ایران میں یوکرینی مسافر طیارہ گرانےمیں ملوث فوجی اہلکاروں کو سزا سنا دی گئی

ایرانی عدالت نے 2020 میں تہران کی فضائی حدود میں یوکرین کے مسافرطیارے کو مار گرانے کے واقعے میں ملوث 10 فوجی اہلکاروں کو سزا سنا دی۔

باغی ٹی وی : غیر ملکی خبر ایجنسی کے مطابق ان میں ایک اہلکارکو سب سے زیادہ 10 سال قیدکی سزاسنائی گئی ہے ایک کمانڈرکو 10 سال قید کی سزا سنائی گئی ہے جب کہ 9 دیگر کو ایک سے 3 سال تک قید کی سزا سنائی گئی ہے۔

امریکا میں سالگرہ کی تقریب میں فائرنگ سے 4 افراد ہلاک

واضح رہے کہ بغداد میں قاسم سلیمانی کی ہلاکت کے بعد 8 جنوری 2020ء کوایران کی سپاہِ پاسداران انقلاب نے یوکرین انٹرنیشنل ایئرلائنز کی پرواز پی ایس 752 کو تہران سے اڑان بھرنے کے کچھ ہی دیر بعد مار گرایا تھا جس کے نتیجے میں طیارے میں سوار تمام 176 افراد ہلاک ہوگئے تھے۔ مسافروں کی اکثریت ایرانی شہریوں کی تھی۔ان کے علاوہ کینیڈا، یوکرین، برطانیہ اورافغانستان سے تعلق رکھنے والے مسافر بھی اس طیارے میں سوار تھے۔

میکسیکو نامعلوم شخص کی فائرنگ سےایک بچےسمیت 7 افراد ہلاک

ایران نے ابتدائی طور پر تین دن تک اس حادثے کی ذمے داری قبول کرنے سے انکار کیا تھا لیکن اس کے بعد تہران نے بالآخر طیارے کو مارگرانے کا اعتراف کیا تھا اوراسے ‘تباہ کن غلطی’ قراردیا تھا اس طیارے کو مارگرانے سے چندگھنٹے قبل ایران نے پاسداران انقلاب کے کمانڈرقاسم سلیمانی کی ہلاکت کے جواب میں عراق میں امریکا کےفوجی اڈوں پر میزائل داغے تھے۔