کراچی: ڈپارٹمنٹل پروموشن کمیٹی نے کراچی رینج کے 649 ہیڈ کانسٹیبلز کو اسسٹنٹ سب انسپکٹرز (اے ایس آئی) کے عہدے پر ترقی دے دی-
باغی ٹی وی: کراچی پولیس چیف کی زیر نگرانی کراچی پولیس آفس (کے پی او) میں ڈپارٹمنٹل پروموشن کمیٹی کا انعقاد کیا گیا جس کی صدارت چیئرمین کمیٹی ڈی آئی جی ایڈمن ذوالفقار لاڑک نے کی جبکہ کمیٹی کے دیگر افسران میں اے ڈی آئی جی ایڈمن عمران شوکت اور اے ڈی آئی جی اسٹیبلشمنٹ ارشد صدیقی بھی شامل تھے۔
ترجمان کراچی پولیس کی جانب سے جاری اعلامیے کے مطابق کمیٹی نے کراچی رینج کے 649 ہیڈ کانسٹیبلز کو اسسٹنٹ سب انسپکٹرز (اے ایس آئی) کے عہدے پر ترقی دے دی جبکہ مختلف وجوہات کی بنا پر 152 کیسز کو مؤخر کیا گیا ہے۔
امریکا سےغیرقانونی تارکین وطن کی ملک بدری، 205 بھارتیوں کو واطن واپس بھیج دیا
اس موقع پر کراچی پولیس چیف جاوید عالم اوڈھو نے ترقی پانے والے افسران کو مبارکباد دیتے ہوئے انہیں ہدایت کی کہ وہ محنت ، لگن اور ایمانداری کے ساتھ اپنے فرائض سر انجام دیں، عوام کے ساتھ انصاف ، تعاون اور مدد کو یقینی بنایا جائے تاکہ پولیس اور عوام کے درمیان اعتماد کی فضا کو مزید مستحکم کیا جا سکے ۔
بتی چلی گئی،بتی آگئی،توہاڈا بل کتنا آیا،گیس آرہی یا نہیں،یہ ہیں قوم کے دکھ۔ تجزیہ : شہزاد قریشی
