میانوالی میں گاڑی نہر میں جا گری جس کے نتیجے میں 7 افراد جاں بحق ہوگئے۔
باغی ٹی وی: حادثہ میانوالی کے نواحی علاقے پکہ گھنجیرہ کے قریب پیش آیا جس کے بعد واٹر ریسکیو ٹیموں نے موقع پر پہنچ کر لاشوں کو نہر سے نکال لیا، حادثے میں میانوالی کے فوک سنگر شرافت علی بلوچ سمیت 7 افراد جاں بحق ہوئے ہیں۔
دوسری جانب پنجاب کے علاقے فیصل آباد میں پانچ سالہ کمسن بچی کو مبینہ زیادتی کے بعد قتل کردیا گیا،فیصل آباد کے نواحی علاقے ڈجکوٹ میں پانچ سالہ بچی کھیلتی ہوئی گھر سے باہر نکلی اور پھر لاپتہ ہوگئی،اہل خانہ نے بچی کو تلاش کرنے کی ہر ممکن کوشش کی مگر وہ نہ ملی اور پھر تقریبا چوبیس گھنٹے کے بعد قریبی جھاڑیوں سے اُس کی لاش برآمد ہوئی۔
ملک میں مزید بارشوں اور برفباری کا امکان
اہل علاقہ نے بچی کی لاش کے حوالے سے پولیس کو اطلاع دی جس کے بعد اُسے ضابطے کی کارروائی کیلیے اسپتال منتقل کیا گیا جبکہ میڈیکل میں زیادتی کی تصدیق بھی ہوگئی علاقہ مکینوں نے بچی کے قتل کے خلاف سمندری روڈ پر احتجاج کیا اور پولیس کی جانب سے ملزم کی گرفتاری کی یقین دہانی کے بعد وہ پُرامن طور پر منتشر ہوگئے۔
