سیالکوٹ (باغی ٹی وی بیورو چیف شاہد ریاض) صوبہ بھر سے 8 لاکھ سے زائد تعلیم یافتہ نوجوانوں نے حکومت سے ملازمت کے لیے اپیل کی ہے۔ ان بے روزگار افراد نے سرکاری نوکریوں کے مواقع فراہم کرنے کا مطالبہ کیا ہے۔
نوجوانوں نے پنجاب جاب سنٹر کے آن لائن پلیٹ فارم پر بڑی تعداد میں درخواستیں جمع کروائیں۔ یہ پلیٹ فارم لیبر اینڈ ہیومن ریسورس ڈیپارٹمنٹ نے روزگار کے مواقع فراہم کرنے کے لیے تیار کیا ہے۔
اس کے علاوہ، ڈیلی ویجز کی ملازمتیں حاصل کرنے کے لیے بھی 86 ہزار سے زائد افراد نے آن لائن رجسٹریشن کروائی ہے۔ یہ پورٹل ہر مہینے ہزاروں بے روزگار افراد کو درخواستیں جمع کرانے کا موقع فراہم کر رہا ہے۔
