میرپور ساکرو: زہریلی چائے پینے سے مرچیں چننے والی 6 خواتین سمیت 8 مزدور بے ہوش

میرپور ساکرو،باغی ٹی وی (نامہ نگار قادرنواز کلوئی): زہریلی چائے پینے سے مرچیں چننے والی 6 خواتین سمیت 8 مزدور بے ہوش
تفصیل کے مطابق کیٹی بندر کے ساحلی علاقے میں مرچیں چننے والی6خواتین سمیت 8 مزدور زہریلی چائے پینے سے بے ہوش ہوگئے جنہیں باغان رورل ہیلتھ سنٹر لے جایاگیا،زہریلی چائے سے بے ہوش ہونے والوں نعیمہ ملاح،نذیراں جت، امام خاتون جت، عائشہ جت، رازدان ملاح، روبینہ جت، ساجد علی ملاح اور دوست علی جت شامل ہیں۔ہسپتال انتظامیہ نے بتایا ہے کہ بیہوش ہونے والوں کے ساتھی کارکنوں کا کہنا تھا کہ مرچیں چنتے ہوئے چائے پی، جس کے بعد وہ بے ہوش ہوگئے،باغان ہسپتال انتظامیہ نے خدشہ ظاہرکیا ہے کہ چائے زہریلی ہو سکتی ہے، ابتدائی طور پر بیہوش ہونے والوں کو طبی امداد دی گئی اور تین خواتین سمیت چار افراد کی حالت تشویشناک ہونے کے باعث انہیں سول ہسپتال ٹھٹھہ ریفر کیاگیا-